 26.04.17 20:30 | قصيدة (اريدك تجيني ) الحاج باسم الكربلائي 2017- مكتوبه رقم المشاركة : ( 1 ) |
المراقبة العامه
 إحصائيةالعضو |  |  | | عدد المساهمات : 8851 | | نقاط : 117554 |
|
| موضوع: قصيدة (اريدك تجيني ) الحاج باسم الكربلائي 2017- مكتوبه قصيدة (اريدك تجيني ) الحاج باسم الكربلائي 2017- مكتوبه قصيدة (اريدك تجيني )اداء :الحاج باسم الكربلائي
كلمات: الشاعر سيد سعيد الصافي الرميثي
ذكرى استشهاد السيدة زينب (عليها السلام)
2017م -1438 هـ
المكان: حسينية الحاج داود العاشور
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
انا ابعازت حضورك يا كفيل اختك
گبل گطع النفس يا با الفضل ردتك
عفت عمري اعله جرف الشاطي من عفتك
ترد روحي البدنها ابعيني لو شفتك
غريبه او عليه اتناخت الناس
غريبه او مصابي يشيب الراس
من بعد ذاك الخدر *** تحسب جروحي شكثر
تغمض العيون
=================================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
وحيدة اشلون اموت او خمسة خواني
ولا واحد حضرني وصار دفاني
لون تقره الثكاله قصة احزاني
تظل ليل ونهار ابنوح تنعاني
وحيدة اوتفرق شمل الاحباب
وحيدة واتاني اليطرق الباب
عيني تربي وانتظر *** تحسب جروحي شكثر
اتغمض العيون
=============================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
جروح اختك صعوبه اعليك تحسبها
عددها اتشوفه اكثر من مصايبها
اخبرك يا جرح زينب امعذبها
سهم عينك ابعين الگلب صوبها
جعلها تنازع سكرت الموت
جعلها تندبك بآخر الصوت
ليلي مظلم يابدر *** جروحي شكثر
اتغمض العيون
==============================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
اذا رايد تجيني اتغمض اعيوني
على هونك تراهي امجرحه اجفوني
يعباس وبعد وصي اليدفنوني
تراهي ما تزال امورمه امتوني
يخويه تراني بس الاعظام
يخويه خوتني طبت الشام
لو شفتني ابيا صبر *** تحسب جروحي شكثر
اتغمض العيون
============================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
گبل موتي انتظرتك تجي واحچيلك
ومن ساعة وداعي وياك ابديلك
قصص تدمي الگلب يا قصة ارويلك
وچم مره الصحت يا كافلي ادخيلك
عليه ظلامه خيم الليل
عليه اشاهد هجمت الخيل
من صحت لا تعتذر *** تحسب جروحي شكثر
اتغمض العيون
=============================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
على النوگ الهزل من رحت مسبيه
اكابر والمدامع تغلب اعليه
عمر من اوله الشهگات تاليه
گضه ابحسره وبگه بس النفس بيه
شماته رمتني اسهام الانظار
شماته ولتني وتركت آثار
ابچي ودموعي جمر *** تحسب جروحي شكثر
اتغمض العيون
===========================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
لون عبد الله عني رايد اتنشده
مثل حالي تراهو هم بقه الوحده
ولد عمه واخوته راحوا او لده
تره غير المدامع مابقت عنده
مصابه يخويه ايبچي الاجبال
مصابه مصاب اليشده البال
ينطي وجه اليا كتر *** تحسب جروحي شكثر
اتغمض العيون
===========================
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون
غريبه والزمان القاسي دوهني
بعد ظل بس الصبر گلبي اليچفني
من اهلي ولا واحد نشد عني
يشيل اجنازتي وبگبري يدفني
نخيتك وتاني واني برجاك
نخيتك كفيلي ولازم انخاك
ردتك ابتالي العمر *** تحسب جروحي شكثر
اتغمض العيون
اريدك تجيني اتغمض العيون
اريدك يخويه اويه اليشيعون
تدخل وياي الگبر *** تحسب جروحي اشكثر
اتغمض العيون.
للتحميل بصيغة mp3
من هناا |
| |  |
