المنتديات الادبية

**البرنسيسة** · 08.11.22 20:20

نشف ريق السراب.. ولا ملت عين الطريق خطاه
قسا طين الكلام ولاقسا .. زاد البلل طينه

شرب مر السكوت من الحروف اللي تبي تقراه
وسجد كفر القصيد لدفتري لين اعتنق دينه

غرقت اكتب كلام مانجيت الا ..عشان اقراه
وانجيت اقرا عذاب ماغرقت اكتب عناوينه

ترا هذا الصواب اللي خطاه ان الصواب اخطاه
وانا هذا الصويب اللي خطاك انك تحبينه

انا هذا الحضور اللي غيابه ماعرف يلقاه
واناذاك الغياب ..اللي حضوره ماعرف وينه

انا ذاك البعيد اللي يموت..! ولايعيش اقصاه
واناهذا القريب اللي مبعثر بينه وبينه

انا (صوت السكون) اللي سمع غنج الصدى واغواه
بكى حتى بكى .. حتى بكت من حسرته عينه

عسى صبح الوضوح ليا سرى ليل الغموض وتاه
يجي مثل الضرير اللي يمد الشوف.. بيدينه

ذكرت اني نسيت اذكر كلام..مانويت انساه
ولكني ذكرت انك.. نسيتي .. ماتعرفينه

انا من معشر الانس .. الاوادم.. اولياء الله
واعيش بعالم:..؟ ( الجن تعّوذ من شياطينه )

نشف ريق القصيد ولا نشف ريقه شرب معناه
سقا طين الكلام .. ولا بعد هذا القسا طينه

الموضوع الأصلي : نشف ريق السراب // المصدر : منتديات همسات المطر //الكاتب: البرنسيسة