_الدنيا بعيون الحزن بجفاك شافتنا وجروح بينا اتركت ما يوم شافتنا يا دنيا راح الوليف الجان شوفتنا ابعد علينا وترك وسط الگلب عنا وما مره خط الجدم لديارنا وعنا حيرني امرو الگبل ما يوم صد عنا صد ونسانا وبعد ميريد شوفتنا
_الطيب منكم بده مثل النهر جاري وبيكم صفات الكرم للضيف والجاري انتو ملاذ الدخل والمار والجاري وجبال هيبه وسكن للروح مأمنها وسيوف صرتو تگص العال ما منها لمة نشامه وفخر والشين ما منها تبقون سور ونخل للبيت والجاري
_ماضل طعم للفرح ولعيد منته النه جف الحزن للهضم وأبعدنه من تلنه دور عمرنه المضه من اولنه من تلنه نيران تسوه الگلب ورت گفاه وجاي ومن حر لهبنه الجمر منه يتوگه وجاي ياعيد علش اتعبت نفسك اليمنه وجاي ياعيد محنه هلك ياعيد منته النه
_ضاع الصدك والجذب واحنه متاهه نسر ودنياك ياصاحبي ادور يمنه ويسر وهذا الا مر الي جره ماخبي عن اليسر وبدروس هذا الوكت كل الربع صاقطه وبعيني انه شفت غتره بوحل صاقطه صاحبهه شارب خمر غافي بحظن صاقطه جرته من شاربه اليوكف عليه النسر
_لليحب والمايحب وللي يضد مايلي جفي اعتنه بطحيتي محد عدل مايلي تانيت بس ما اجا عمر الفرح مايلي وخلي واذا ما اجا ما بينت خلته انه ليالي الحزن اكثر صبر خلته خاف الشمس غشتة وجوة النجم خلته شيكول غيمة صفة انه النهر ماي الي
_ياساكن روحي هاك استمع مايلي.. وحدك عشت بالكلب وغيرك ابد ماالي.. عطشان تني لشوفتك يلشوفتك ماي الي... والشبع من شوفتك كل عمره يبقه عدل... وياك مااخلفت صدكني ماشي عدل... لاترضه قاضي شرع لاترضه حاكم عدل... للناس تحكم عدل وحكمك عليه مايلي..
_يا صاح انت الكبد وانت بحياتي ورد اتمنيت اوصل الك وانطيك روحي ورد بالروح حبك زرع بستان هيل و ورد وسهام حبك صفن بالكلب ميه والف انت وليفي صرت وماعندي غيرك ولف لو ابقى كل العمر افتر وادور ولف ما ألكه مثلك محب ولا ألكه مثلك ورد
_يوم اسمعت بالخبر فتت اعضاي وشلهن ودكول واشي الاجه لعيوني بس وشالهن لان بساعته خلصن دمع مابقه حتى وشالهن منين اجيبن صبر ومنين اجيب الحيل او وين الكه الهه الفرج المشكلتي او ياحل يوميه اتاني المدرسه هلبت اكول او حل واني ادري بالولف حمل غراضه وشالهن
_يامن نسيت الذي بعمره الك خاطرة بالجذب ماظن على بالك ابد خاطرة وانه بدموع الهجر كاتب الك خاطرة صدكني هذا الكلب غيرك ابد ماهو ضل عالي علو النجم حبك ابد ماهو بالله اريد اسألك عن السبب ماهو الشايل منيه الك ليش اكسرت خاطرة
_ياروح كضي الوكت بنجوم السما عدي كل حبي لهذا الوطن ولغيرة ماعندي بس على دجلة امر وعالباقي ماعدي ومريض بحب الوطن شمحلة هيج عليل ودنيتي نهار اصبحت ماامر انا علليل ليش متنطي من المرض اذكر سبب علل جاوبت ماانطي المرض لان مو بيدي مااعدي
_احسب جروح الوطن لاتحسب اجروحك لاتنطفي كل الحطب بالشرف وج روحك ونراد كاس الوطن يسجيك فج راحك حبل الوطن من ينكسر شدة لابد يصيبك عسر گبل الوصل شدة حايط ضلوعك على ساس الوطن شدة او جرح العراق ان نزف لاتبخل ابروحك
_سألوا تعرف الفرح لا جاوبت معرفه وسالوا تعرف الحزن اى جاوبت معرفه من حيث شاعر صرت وادري الشعر معرفه ومختص فقط بالحزن غير الحزن مكتبه واسبابه عندي جرح ما سد ابد مكتبه وشكبان منه الألم يمكن واظن مكتبه وديوان دمعي انطبع دار النشر معرفه
_بقلبك يوجد حقد اخذ القلب سبحة واستغفر ربك بعد واستحمده وسبحة مو شايف انتة القهر بالدم البشر سابحة دمعت من الشعر وماكملت بيتين ياروح بيتي الاخ وشوفي وين تبيتين مابقة بهذا الوطن ياصاح بس بيتين وتقاتلو بينهم وكملت السبحة
_من جور وكتي علي حته الصخر داخلي متحمل اهموم ياصاحب تره داخلي وفوك الهموم العلي ضيم اوقهر داخلي وميهمني ضيم اوقهر لوبس عليه يمر ويشوف اله بالكلب جانون يسعر يمر وحتى لو حنظل صرت راضي بعشرتك يمر وماتدري كلبي الك صاير قسم داخلي
_يوم العليه زعل مويوم جن عامله اورغم الي منه حصل كلبي برفق عامله وضفت روحي اله وبيده صفت عامله وانوب رد اوطلب راد الكلب خلفه وماجازه هذا التعب راح اونسا خلفه لا ترس عينه شخص ولاعجبته خلفه وكلبي غريج ابحر ومن سمع بي عامله
_يوم العليه زعل مويوم جن عامله اورغم الي منه حصل كلبي برفق عامله وضفت روحي اله وبيده صفت عامله وانوب رد اوطلب راد الكلب خلفه وماجازه هذا التعب راح اونسا خلفه لا ترس عينه شخص ولاعجبته خلفه وكلبي غريج ابحر ومن سمع بي عامله
كلام ولا اروع منه عاشت ايدك يا مشرفتنا العزيزه ننتظر جديدك بكل الالوان تقديري لك
أميرتنااااا 
