واجاني الليل جية عاشگه لخلها
واجاني الليل جية عاشـــــــگه لخلها
وعكَدة شوفي عالشباج شيفلها؟
..
ذكرتك وانجفى الماينجـــفي بملكاك
واجتني الما ترد والما محسبلها
..
دمعة وسالفة وليـــــلك بطول جفاك
واحن تكتلني دمعه وسالفه اكتلها
…
بعدها سوالفك صفرة وذبل طاريك
تموت حجايتك ودموع اجملها
..
نثرتك بس كبل ما توكع اعله الروح
اجه المو طير ضاكَ ملوحتك كلها
…
تشبهمن بعد وجهي البــوجهك راح
والمراية التعيدك وحدك تملها
…
روحك تذل يم المايعرف شبــــــيك
اذا مرتاح عادي براحتك ذلها
22.03.15 21:36
