المنتديات الادبية

**صابر القريشي** · 09.08.15 3:14

مو كلمن يسولف غزل ينحسب عاشك
ولاكل التريدة الروح اتناله ابسهوله
ادري بطريق العشك وعر وبيه اسلاك والغام
راح امشي الدرب لو مفلس ارد لو انوله
حبيبي لو غبت لحظات عني
تصير العين حيرانة والجلمات مشلوله
اظن غاب المرح بينة من زمان
وما اظن تسمع بعد بلديرة هلهوله
تعال رادسني حبيبي وبشوفتك خل تتكحل العين
بوجودك روحي تتورد وبغيابك روحي مشلوله
تعال انسولف غزل بس بلعيون
اللسان انعكد والضحكات بشفافي خجوله
يل بيك ملتمة احلى الصفات
حنين وشهامة وطيب وجلمات معدوله
ويل سهمك صوب الدلال صدفة
وصار حبك شتله وبنص الكلب مزروعة مشتوله
لو ليله عني تغيب تصير عشر اسنين
واه من ليل غيابك اشثكله اشطوله
ياحبيبي000وياحياتي000وياحلم عمري
مني تزعل000عني ترحل000تنساني معقوله؟
بوجودك روحي تتورد وبغيابك روحي مسلوله
تنساني معقوله

الموضوع الأصلي : مو كلمن يسولف غزل ينحسب عاشك // المصدر : منتديات همسات المطر //الكاتب: صابر القريشي

**جوهرة البصره** · 09.08.15 3:19

مو كلمن يسولف غزل ينحسب عاشك

حسسني بحنانـك لا تظم الشوك
ودخيـــلك لا تخلي ابالك الفرگة
يــا أول عشك فزز صفنت الروح
ويا عبرة طفل بأنفاسي مختنگة
أخذ محصول عمري أمبارك عليك
ومبارك عليـــــة الجرح والفرگة
خلك عاشـك يتاني جيت المحبوب
هيج وياك گلبي الما خلص خلگـة
رايد شبكة منك ولو كلي جـروح
وأذا كلك ملح هم ارضى بالشبگة

جميله كلمات صابر القريشي
دمت ع هذا التالق والابداع

الموضوع الأصلي : مو كلمن يسولف غزل ينحسب عاشك // المصدر : منتديات همسات المطر //الكاتب: جوهرة البصره