تعب خلك الموادع يله اخذني وياك..
ماريدن بعد كل الخلك عفتة..
ياهيبة الساني من اسولف بيك..
وعلى زنودي خيالك حرز لابستة..
اذا مااصير الك اطلع جنازة بيت..
واخلي الناس طولي لكبري شايلتة..
من اذكر عيونك..بيدي امشط الليل..
لحد وجه الصبح واتخيلك انتة
اعرفك من تجي اشتم حرورة شوك..
واخجل ثكل الشفايف كوة حاملتة..
من ادورن ظهري تقرة اسمك وشم مدكوك..
واكل للناس ولفي وعمر رايدتة..
اليظلم قسمتي..العباس احطة وياه..
اليجبرني غصب يتعثر أبختة..
بخت عندي يعثر..يصم حلك الشيخ..
اذا شفتة على غيرك يبدي سالفتة..
ظفيرة شعري بيهه الفجر خلة اسرار..
وشد ادينة وظفر سالفتة..
اتعثر بشارع تمشي بي عميان..
وكبل لا اشوف طولك دربي حافضتة..
هلي ومنعوني منك غير كون انساك..
الينجح بالعشك ماينسى مدرستة..
اشهك!!.. لو علية بالحلم مامريت..
شهكة ام ابنهه يموت شايلتة..
من اكشف زلفي تعرك كصة الحيطان..
لغيرك ماهويت وزلفي كشفتة..
....
على الشامت افوتن ... واضفر انة..
والك حنيت ليلي ... واضفر انة..
الناس تحل شعرهه ... واضفر انة..
لحد مايضفر الجناز بية
25.10.15 11:47
