اكو ولد فقير امه كالتله هاك هذا الديج بيعه وجيبلنه فلوس
اخذه وراح للسوك
بالطريق فلت من ايده وكمز على سياج ودخل واحد من البيوت
... الولد طفر السياج وراه علمود يجيبه...
دخل البيت ... لزم الديج وباوع
لكه وحده يمها رجال كاعد يبوس بيها
بنفس الوقت اندك الباب مال بيت
المره كالت : يبووو اجه رجلي الكصاب واذا شافك يصلخ جلدك
وختلتهم بالكنتور بسرعه علما يطلع رجلها
وضل الولد والرجال بالكنتور ينتظرون
..............
الولد كال للرجال تشتري الديج
الرجل كاله لا عمو حبيبي ماريد
كاله خوش لعد راح اطلع اني ماعندي شي هنا
كاله الرجال لا لا يمعود جيبه اشتريه بيش تريده
كاله الولد : بخمسه وعشرين
الرجال كاله امري لله هاك ... وانطاه الفلوس
صفن شويه الولد وكاله : تبيع الديج ؟
الرجال كاله يمعود مو هسه اشتريته منك ... مابيعه
الولد كال لعد اروح اني ماعندي شغل هنا
الرجال : لالا يمعود بيش تاخذه ؟
الولد : اشتريه بخمسه
الرجال : مو هسه اخذته منك بخمسه وعشرين
الولد : انته براحتك .. اني ماعندي شي هنا راح اروح
...........
الولد باع الديج واشتره الديج وباع الديج واشتره الديج
............
وره ساعه المره فتحت الباب وكالتله افلت بسرعه رجلي دخل للحمام
وطلع الولد وبجيبه 150 الف والديج بعده عنده
............
وصل للبيت وامه شافته كالتله خير يمه شنو مابعت الديج
حجالها القصة وكاللها كل اللي صار
الام كالتله : يمه خاف هاي الفلوس تعتبر مال حرام
كاللها ابنها : والله يمه مادري انتي كيفج
كالتله الام : خلي نستفتي بيها
راحو للجامع وسألو على الشيخ وكالولهم الشيخ كاعد يصلي جوه
كالته امه : يمه روح اسأله واحجيله القصه
الولد راح للشيخ : كاله شيخنا هذا الديج .....
الشيخ اندار عليه وتفاجأ وكاله : انعل ابوك لابو حتى هذا الديج اللي لاحكني بيه لهنا....
هههههه
11.11.15 12:10
