المنتديات الادبية

**قمر بغداد** · 08.02.16 18:33

ماردت احبك

ماردت احبك حاولت من لفظه اسمك حاذرت
چلمه وشلتها من الحچي ومن اللسان اخفيتها
وبيبان روحي مغفله وعن لا احب سديتها
صلفه امنياتي الرادتك سئلتني عنك بس صمت كلش ولا حاچيتها
كالتلي وينه وجاوبت ماادري وما دليتها
ماردت احسك حبك لأن كبلك الروح انطيتها
والخاطرك رحت اعتذر منيت بيها الخاطرك مثل الطفل لمن يمن بحاجته
وياك اعز ناسي انتهى وكمت مااحس بعازته
بدربي كلت لو مو سوه امشي حياتي بلا درب
يمكن يشف عني الهواء لا بس جذب معقوله مانمشي سوه
معقوله يطلعلي جرح معقوله ريشه شفتك ترسملي بلضحكه رمح
لا مو صدك خلينه من هذا الحچي بچفوني سوله عله البجي
وصياد كاعد للجفن للدمع شايل فالته
وياي احسك صرت مثل الهلال وهالته
كالولك يعوفك تره تذكر كبل كلتلهم شكلهم كلتلك اي كلهم لمن من يمي تمشي جنازته
هو انا عايشلك لأن دمي الاعز ما بالجسد بس انته تعرف حالته
من ما يحس بلمستك يخلص وتبقه وشالته
تذكر جنت من تعتنيلي بلهفتك مشتاك تشوفني
وتلكاني روحي مشككه ولمسات اديك تروفني
تتركني هسه قررت ينطيك گلبك ننتهي وبس بالاحلام تشوفني
تتركني هيج بلا ذنب بررلي حته لو جذب
مليت كلي كمت امل شيحمله ليلي بوحدتي
ماينحمل بعدك تره وجذبت كتلك ينحمل
كلتلك لمن تمشي تره تركتني وحدي چن طفل تايهه وكل اهله مشو عايش يتناني الما اجو
كلشي اليمر يفززه حته الشماته تفززه
من يمشي ويهب الهوء يلتفت حسباله حجو لاكن لمن يذكرك حته الشماته المابجو
من شافو دموعه بجو
هيج انا من عني رحت ما تسكت جروحي
ولو دورتك انا بشدتي شفتك وطن حنيت الك لاكن لكيتك غربتي
احتاريت منهن ياهي اصح مابين ذلي وعزتي
اختاريت اعوفك حته لا تكسر قرارك دمعتي
ونيت سكته ماردت يتشمتون بونتي
صح اضحك بنبره فرح بس ركز بصوتي بعد تسمع نحيب بضحكتي
هم مثلي گلبك مانسه وهم بعد من تمشي درب تتذكرني خطواتك بعد تترك اثر الخطوتي
لا تسكت الا بينت بين اثرها بعبرتي
ولا تلتفتلي بس ردت انطيك اخر مابقه وهو شبقه مني خذت كلشي وبقت بس دمعتي

لـلـشـاعـر:- ايـهـاب الـمـالـكـي

الموضوع الأصلي : ماردت احبك // المصدر : منتديات همسات المطر //الكاتب: قمر بغداد