 15.03.16 17:47 | قصيدة امنية - للشاعر ادهم عادل 2016 خاف تبوگني عيونچ واخاف من اليحسدونچ رقم المشاركة : ( 1 ) |
نائب المدير
 إحصائيةالعضو |  |  | | العمر : 37 | | عدد المساهمات : 21275 | | نقاط : 142060 | | 2 |
|
| موضوع: قصيدة امنية - للشاعر ادهم عادل 2016 خاف تبوگني عيونچ واخاف من اليحسدونچ قصيدة امنية - للشاعر ادهم عادل 2016 خاف تبوگني عيونچ واخاف من اليحسدونچ 
(امنية)
اخاف تبوگني عيونچ ..
واخاف من اليحسدونچ..
وأنه ضميت دمعاتي بشليل الروح
اريد بليل اطشّها وي اليزفونچ..
يهنيالة اليموت
بدمعتچ كحلة..
وانه ادري الموت
بين شفافيچ يحّلة..
صعبة الدنيا
بس سهلة..
من اشوفچ گذلة لعيوني..
من اشوفچ
موت لظنوني..
أنة مخبل
يريت الناس كلها بهمي وجنوني.
يمتة احرث سمارچ وازرعة بلوني..
يمتة بگذّلتج قراصة يلگوني..
يمعودين ما بية خلگ للشوگ
اذا بيكم بخت دمعة طفل مبيوگ
جاي من الزلف ترجية شدّوني..
بسمار لگلايدها على الكنتور دگّوني
خيط بريسم وبالشال ضموني..
وانت شبيچ
يل عفّتيني غيمة بصيف
ما تدرين بيچ مسافرة عيوني..
ما تدرين ضّموا ريحتج بالگاع
خاطر ما يدفّنوني..
أنه متانيج بلچي لدمعتي تعطشين
يا سمرة
لغّرگّچ من ندى چفوني..
من جيتچ باخر طيف مو وحدي
عليچ جروحي زتوني..
أنه تمنيت
لو عندي حديقة ببيت..
لو عندي دمع
يكفيني لو حنيت؟!
اريد عيونچ الحلوة اطشّنها
بمهر چگليت..
وين الگاچ؟!
وانتِ برگبتي گلادة..
وانت بروحي سجادة
وانتِ حچاية السادة..
انتِ اول جرح عادة!
وانتِ اخر جرح بالروح
رايد جثّتي مرادة..
الترف ادهم عادل
منتدى الشعر الشعبي |
| |  |
