 24.07.16 21:07 | أدور على الوطنرقم المشاركة : ( 1 ) |
نائب المدير
 إحصائيةالعضو |  |  | | العمر : 38 | | عدد المساهمات : 21275 | | نقاط : 143180 | | 2 |
|
| موضوع: أدور على الوطن أدور على الوطنما أدري الوطن هو المضيعني
ضيعت الوطن ضليت أدور ايجار
لا صح بيت لا أحد يأجرني
ضيعت الوطن ضليت أدور اعليه
و المضيع وطن ما نام متهني
خذوا مني الوطن و أصبحت متهوم
عميل و بالخيانه النوب يتهمني
خذوا زرعي و نخلتي و خذوا حتى الماي
و من بيتي البنيته العدو يمنعني
گلت وين العرب خل تفزع النه ابليل
و صحت ابصوت ما واحد اليسمعني
انا الچنت أعلم الناس تركب خيل
ليش الچنت أركبًه اليوم ركًبني
و أعتب على الزمان الما نصف وياي
أخذ بيتي و لحگني النوب هجرني
انه الچنت اضيف و انه راعي امضيف
الأمس خطار هو اليوم ضيفني
انه الچنت سيد و انه راعي البيت
اشلون ايصير هذا القزم يحكمني
انه ابن الأحواز و ابن هاي الگاع
خط أحمر عليهن لا تساومني
تراني اسنين صابر و انتظر هذا اليوم
و خلص وكتي امكابر لا تجاملني
گوم و رحل اجيوشك و شيل ابساع
تراهه ارياح النصر هبت و هزني
و اذا ردنه الوطن و نحرر الأحواز
گوم وياي يمحمد و ساعدني
گالولي الوطن ضاع و تروح انساه
اشلون أنساه و هو الچان حاضني
بترابه ربيت و اسبح ابكارون
و لو غرگيت يمد ايده و يطلعني
ما عوف الوطن للموت أضل اوياه
لو عفت الأحواز أدري يعاتبني
لگيت انا الوطن و لگيت انا العنوان
و يوم اللگيته اعداي حشمني
گالالي حرامي و جاي مني تبوگ
هذا البيت بيتي و جدي وكلني
صفيت انا الحرامي و هو راعي البيت
و گلي روح لهلك لا تزاحمني
گلي روح لهلك و انته ما الك گاع
و هاي الگاع گاعي الشاه وطنًي
هم صعدت الغيرة و وگف شعر الراس
و گتله النوب من بيتي انت تطردني؟
گتله انت الحرامي و سرقت هاي الگاع
وسرقت البيت من عندي و اتحاسبني
گلي روح لهلك أرد اسد الباب
بس امن المجادل لا تجادلني
رد الباب و انا الزمته من ايده
و قتله من تخاطب زين خاطبني
هاي الگاع گاعي و جدي مالكهه
و اذا عندك جواب اليوم جاوبني
گال لي اقا ببخشيي شما اقايي
گتله بهذا حچيك بعد ما تغشني
گال لي انت الشريف و انت راعي الگاع
انا الغلطان و اترجاك سامحني
ما أگدر أسامح و أدري بيك اتخون
اذا رحميت بيك النوب تنحرني
لا عندك اخلاق و لا تعرف الجار
و كل شغلك امراوغ لا تراوغني
خذت مني الأحواز و أصبحت مطلوب
و بثارات كسرى انوب تطلبني
أخذت بغداد كله و هم وصلت الشام
و گمت تذبح ابشعبه ابحقد چا سني
خط أحمر گلت لك لا تصل لشام
خذت جيش الغدر و رحت متعني
و من گلك تدنس انت ارض الشام
اهلهه اسباع يوم الموزمه اتغني
ذوله أحفاد خالد و المثنى و جدهم القعقاع
تخذ كفخات منهم زين و تهني.. |
| |  |
