المنتديات الادبية

**احمد العراقي** · 11.09.16 22:26

قصيدة اثنين.. من الطالبات اكملن الصف الاول سوية ولكن ..؟؟!!

قصيدة اثنين.. من الطالبات اكملن الصف الاول سوية ولكن ..؟؟!!

قصيدة اثنين.. الطالبات اكملن الصف
قصه اثنين.. من الطالبات اكملن الصف الاول سوية ولكن إحداهما تركت الدوام لأسباب مذكوره بالقصيده..... وقد أشرت للطالبه المستمره بالدوام رقم واحد...١..والثانيه التي تركت رقم ..٢،،،

. ١...
راح تبدي المدرسه وتبدي الدروس
يله امشي اوياي خل ناخذ كتب..
البنات هواي سألوني عليج..
وگصن المرجوحه مايردن لعب..

2...
اني ماروحن بعد مايرضه أبوي
ايگلي بويه المدرسه إتعلم چذب..
بصف الاول دار بس للعنده بيت
وحنه خيمه ابيوتنه وبيمن نطب..

.1...
لايخيتي اهوايه أظن غلطان أبوچ
المدرسه إتعلم وفه إتعلم صدگ
چنت أظن وياچ للسادس نروح
يوم الاگشر يوم عنچ نفترگ..

,,,2,,
فرق بيني وبينكم كلش چبير
عثم بينه العوز عاشگنه عشگ
تشترون هدوم بالعام الجديد..
وآنه نفس الثوب أخيطه وينفتگ..

,,,1,,
المعلم من يصيح إسمچ شگول
غايبه وباچر تجي اتحل اللغز.
لو دربهم طين من تطلع تطيح
لو خذتهه النومه ماتلحگ تفز..

,,2,,
حيل مشتاگه لرحلتي وللصفوف
والجرس من يندگ أتحسر ونز
بس اخوتي إزغار ماعدهم معين
گلت أبيع إزباله وشبعهم خبز

الموضوع الأصلي : قصيدة اثنين.. من الطالبات اكملن الصف الاول سوية ولكن ..؟؟!! // المصدر : منتديات همسات المطر //الكاتب: احمد العراقي