المنتديات الادبية

**شرقية متمرده** · 25.09.16 21:25

هذا اليكلك حلو يجذب عليك

منين أجيت وجبت كل هذا الجمال
وليش مزدحمة البشر يم بابــك

حكهه ناسك تحتفل لمن أجيت
داخ بيك وصفن حتى الجابـــك

أنته وحدك تختلف عنهم أكيد
بيدك أطش وتلم أحبابـــــك

البشر كلهه وقوانين الشعوب
صفحة رادت تقره من كتابــك

مو لأن أحلاهم انته بهالزمان
بس لأن شافو ملك حطابــك

وأرد أكلك قبل ما نعرف نجوع
لأن جتنه الحصة من ترابـــك

بعد لا تلبس الأخضر بالنهار
من بعيد نعرفه لون ثيابـــك

أمس من طبيت حسبالك ملاك
أنس الله شبيهه كلهه تهابـــك

اضحكت مرة وطلع صوت الحنان
وردت الشفه تعض بأنيابـــك

صار واهس بينه نحسب من تفوت
شكد حسبنه وما عرفنه حسابــك

هذا اليكلك حلو يجذب عليك
بعده ما شايف ربع سبابـــك

بعد ناسك هذا أبن من ما تكول
لأن يم يوسف ترد أنسابــــك

الموضوع الأصلي : هذا اليكلك حلو يجذب عليك // المصدر : منتديات همسات المطر //الكاتب: شرقية متمرده