 06.11.16 2:03 | قالوا حمد البريديرقم المشاركة : ( 1 ) |
عضو مؤسس
 إحصائيةالعضو | | مملكة توبا |  | | العمر : 32 | | عدد المساهمات : 5092 | | نقاط : 112569 |
 |
|
| موضوع: قالوا حمد البريدي قالوا حمد البريديقالوا حمد البريدي
قالوا الشقا وشهو الشقا قلت الشقا .. ظلم السنين
( احد يمر ويتعبه ) !! ( واحد يمر ويقهره ) !!
قالوا الحزن وشهو الحزن قلت الحزن .. دمعة وعين
احد ٍ قوي .. ويصطبر .. واحدٍ تبلل محجره !!
قالوا الوفا .. وشهو الوفا قلت الوفا .. مسالم يدين
واللي يغدر فصاحبه .. عاد الليال بتغدره !!
قالوا الجفا وشهو الجفا قلت الجفا قسوة ولين
يما تغلى صاحبك .. يما ملقيك ظهره !!
قالوا الوصل وشهو الوصل قلت الوصل ماله وزين
يبري جروح ما برت .. والعفو عند المقدره
قالوا الامل وشهو الامل قلت الامل .. في نظرتين
احدن يحاول يكسبه .. واحدن يخاف ان يخسره !!
قالوا الرجاء وشهو الرجاء قلت الرجاء .. قلب حزين
يمشي على تراب الامل ,, ويخاف لا يسفى ثره !!
قالوا الوجيه اشهي الوجيه وقلت هي من جانبين
( وجه يزينه العفاف ) .. ( ووجه زين بمظهره ) !!
قالوا الحكي وشهو الحكي قلت الحكي .. ما بين بين
خير الحكي ما قل دل .. وزبدة القول ( ثمره )
قالوا الخجل وشهو الخجل قلت الخجل بالعام زين
( بس الخجل لا صار دون الحق .. خزي ومحقره )
قالوا الزمن وشهو الزمن قلت الزمن في ساعتين
ساعة طرب نفس وهوى وساعة خشوع وتذكره
قالوا الغلا وشهو الغلا قلت الغلا .. حب دفين
والحب لا قدهو حقيقه ودك انك تستره !!
قالوا الخطا وشهو الخطا قلت الخطا الله يعين
احدن ما لاخطاءه عذر واحدن ليا اخطا تعذره
قالوا المره وشهي المره .. قلت المره ضلع لدين
يبقى على طول آعوج .. من جاء يعدله كسره
قالوا الرجل وشهو الرجل قلت الرجل في حالتين
ابختصرها والذكي لا جاه حكيي فسره
( رجل سليط وكلمته ماهي تغدي لك كلمتين
ورجل معاالعالم رجل .. لكن مسيرته مره !! )
المصدر: منتديات همسات المطر - من قسم: الشعر العربي الفصيح |
| |  |
