المنتديات الادبية

**القلب المحب** · 26.03.17 18:08

منهو الجاي .. .
ويّه الماي .. .
ويّه الشرچي .. يا حچام ..؟؟ يمكن عِدو يا حچام ..
يمكن شرطه وتلعب النفس ..
والشرطة لا هي چلاب ..
ولا هي زلام ..
يمكن خاين ايعرف المچامن ..
يعرف العربيد ..
وين ينام ..
ريحة خاين بعرگ الحزب ..
مدفون ،
من اسنين ..
ريحة خاين معودين !! ..
والتاف ..
وشبگ گلبه ..
وزحف حدر الگصب والطين ..
مامش للرصاص أخبار ، مشتاگين ..
يمكن عِدو يا حچام ..
يمكن واوي من واويّة الحِكّام ..
يا حچام .. إسمع گصبه گصبه ..
وبالك تعوف الگصب ..
ليل ” الغموگه ” حزام ..
صاح النوب ، صاح الهور ، كل الهور ، صاح وياه
يا هور ” الغموگه ” وگام ..
.
.
.
مظفر_النواب
ملحمة_حجام_بريس

الموضوع الأصلي : ملحمة حچام بريس _مظفر النواب // المصدر : منتديات همسات المطر //الكاتب: القلب المحب