 04.06.17 21:07 | ردت فزعة عشائر والسواعد-الشاعر حسين الساعدي رقم المشاركة : ( 1 ) |
عضو vip
 إحصائيةالعضو | | العراق الجريح |  | | عدد المساهمات : 4416 | | نقاط : 109950 |
|
| موضوع: ردت فزعة عشائر والسواعد-الشاعر حسين الساعدي ردت فزعة عشائر والسواعد-الشاعر حسين الساعدي
قصيدة لم تكتمل بعد!!
حسين الساعدي
:::::::::
يادمعي العنيد وحيل زعلان
ومعذبني طبعه! وبس يعاند!
يتهستر عليه و جنه سكران!
ما ينطيني عطوه إولا يماهد!
دمعي امشرشب ايوزونه عدوان
ويطبق فتاوي وهوَ فاسد!!!
حَشمت العرب وبصوتي تعبان
عذبني الدمع والباري شاهد!
ولفوك الجبل بخدودي نيشان
أحشم بالكراد اهناكَه صاعد
عرب واكراد أحشم والتركمان
مسيح وصابئه وكلنا نعاهد!
دمعه الماتهم وتفزع انسان!
باجر لعنه وأكتب بالجرايد!!
يادمعه التطيح ابجف الاحسان
وما يحتاج أدونهه ابكواغد!
اذا ما فزعوا وخلوني حزنان!
أزعل وأرد اعاتب بالقصايد!!
وين الساده وين الرفعو الشان
والشارتكم أنه اليوم !رايد!!
وين اهل الرمادي واهل ميسان
وين ادليم اهلنه الي تساعد!
نخيت الشمري البلزود عنوان
وبيوم الوغى! وكلهم أماجد
وناديت الصميدع وال خولان
هوزان وعشاير بني خالد
والخزرج خزاعه وال فدعان
ومضر والمنتفك ويه الاجاود
والصوت اليفزع اولاد قحطان
وبلم الشمل يصفى الترادد!
احنه المسلمين وعدنه قران
نفس العدكم ابكل المساجد!
لكن كفرانه وهوَ شيطان!
ذاك الوصفانه اويه الملاحد!
رصينه الصفوف وكلنه صحبان
شو ذبحنه وبذاك التراصد!
هَدينه الامور اشلون ماجان!
وبدمعاته ضل يحجي ويصاعد!
معناها النداء ابوكت الاذان
صفوا اكلوبكم عوفوا التحاسد!
والمذحج احشم و ال سبعان
وكبيح وبعد كل العوابد
تعبني الدمع خلاني خلصان
نخيت اجبور وبدمعاتِ أناشد
وكريزي ولهيب وال عطوان
ياوائل ولك سرف السواعد
فزعت الاسد والفزعه وجدان
وادري ابفزعته وينطيني زايد!
الك يلطرفي والوياك شجعان
هاي ادموعي والفتحت روافد!
وين الأسلمي الميهاب الأكوان
بالمسعود أحشم والمحامد
للنعماني أفزع أه ينعمان
هذا الدمع ماخلاني صامد
والعيساوي ما هاون ولا هان
وبشوف الدمع مايبقه كاعد
والميالي وينه ابهاي الاحزان!
والحمداني اعرفه الما يهاود!
يازود الدواسر و أل غران
والعقيدات أحشم وال خالد
وال اظفير اكولن وال نبهان
والظهراني حلال الشدايد
يابحر الدمع ماخله ربان
يتمشه ابطريقه وكلشي جامد!
جذاب الدمع ميداوي الانسان
لكن بالصدك زاد السرايد!
والغره وكصدت الال كطران
وهناك الرفيعي وراح اناشد
ودريع وذهب ويانه خلان
والمنصوري يوم الزود قائد
والحافظ واحشم وال علوان
وال ازياد وبدمعاتي كاصد
وين الاكرمي وافزع يفوزان
ويه الظالمي وبالصوت اصاعد
وبراية اكويشي وال ذيبان
وكبيح وسند واهل الموافد
متعافي الدمع وينك يطحان
مايستخطي بينه وما يراكد!
والدراجي افزعه وجفه بستان
ويجيب البهادل! والمواجد
ونخه اسويعدي ولابو سلطان
والفزعتهم الهل دمعه حامد
يا مياحي وال إركاب عربان!
فلتان الدمع مابي فوائد!!
يادبي الدمع ماخله شبان
والعوادي هذا اويانه شاهد !
حشمت الِعبادي وال عجمان
وال ابدير تكضيها المكاصد
والزيداوي وينه وأل خيكان
وال ازوين ودوها المناجد
كدها الصالحي وللفزعه ولهان
وبالفياضي متضيع النشايد!
واحشم ال فتله وزود حمران
ويه العامري بسيل النجايد
بالفريجات أحشم وال غضبان
وللسعدون انادي إوللخوالد
وبجف الكناني النخوه ميزان!
والحريشاوي عنوانه المجاهد
خزاعل وال ازيرج عز الاوطان
وب أل الشبل للدوم أزاود
وينك يلقريشي وصبحك الحان
وتلبس الشمس أجمل كلايد
تسكت دمعتي يمكم يكرعان
والابراهيمي كدهه ابزوده واجد
بني مالك بني لام إويه سودان
افزعوا عالدمع ناصب مصايد!
والحلفي اليهل بالشده بيان
والدلفي النخيته وما يحايد
وأحشم بالمطيري وأل شيبان
إوبالعبودي قناص الطرايد!
وين أهل البخت هبو يشحمان
هذا الدمع وبصفناته راكد!
وأل اسعيد لو كبوا النيران
يخلون الأرض كلها مواكد!
يا فرطوسي يل بلفزعه رنان
تلاحك للدمع خلاني بايد!
جا وين العتابي الأبد ما جان
يترك من نخاه ابيته لابِد!!
والحميداوي بالكلفات! دَيان
والسراي اهل نخوه و سنايد
والعلياوي أفزعه الدمعي خَوان
خاناني ابكثر ماضل يعاهد!!
طحت وحشمت بيكم يبيضان
وَصيح ادخيلكم بالدمعه شارد
تعبني ابشعاره وحيل بطران
ياناس الدمع عنده مَكاصد!
ماشايف دمع يترسله فنجان
جا وينه العكيلي والرواشد!
أه ياصيرفي وهالدمعه طوفان
والحجاج أفزع وال زايد
وينك يا تميمي وبيك فرحان
ونخيتك يا جنابي وبيك اواعد
ياطي بالمضارب لافي حيران
وين اليترس الساحه مَوائد!
ما رايد طعام وأنه شبعان
رايد هالدمع عني ايتباعد!
الك يمحمداوي الزود ما هان
والمعموري بس الله ساجد
الحكوا ياربيعه الدمع فتان
سوه الفتنه مابين المِشاهد!
واتعنه العقابي وأل حسان
والغزه الدوه الكل المضامد
يا عزاوي يل بالزود سفان
وادري ابنخوتك محد يزاود!
حجامي وحجيمي والبو شبعان
بني سياله احشم وال ناجد
ويسار وفضول وال صدعان
طوكه وما حوت من المساند!
والشده وعشاير البو علوان
وجليحه وعفك وال المساعد
وِحمِيدي احشم وال مريان
وخزيم وبعد زود الموالد!
دمرني الدمع خلاني خسران
وأنه ابدمعتي البعاج كاصد
ياغيض الجوابر جنه بركان
بالفزعه اشكثر ولكم شواهد!
وينك يالنعيمي واحنه خوان
وينه الزوبعي البلنخوه رائد!
وين اعبيد وين الكال ابو افلان!
يخلصني الدمع بكليبي مارد
والكعبي المدارس لأل عدنان
وخفاجه اللي يوزعون الشهايد
وكحات الدموع اتريد فرسان
ويحلها الشويلي اللي يساند
وأحشم بعنزه وبأل هوزان
واعرفهم كفو ابكل المكاصد
بالجياش احشم وال عجمان
والعامر واصيح الال !عايد
عاينت الدمع حضرلي دفان!
لزبيد ورحت واهناك أناشد
والقيس وبدر ولال فنجان
والاهل الكرم كل المواكد
والكنده وكثر مابيها عربان
واعاجيب وسهل ويه المزاهد
والصوت الاوَصله الال حرقان
والمشرف ومره وال غامد
ياصوت البخت ما خله ديوان
أودي الناس ما خليت واحد!!
ما سوه الطلب ويزيد الأحزان
وبذبح الطفل رايد يجاهد!
وينك ياعراق ابهاي الاشجان
ياشيبة بخت يابو المراقد
ماظنيت دمعي ايصير شيطان!
وكلشي ابهل زمان ايصير وارد!
يا دمعي الوكيح وجنه سجان!
خلاني ابمأسي البيت! كاعد
ياناس الدمع ما يرحم انسان
ردت فزعت عشاير والسواعد
ردت فزعت عشاير والسواعد
حسين االساعدي
___________
القصيده لم تكتمل بعد! وهيه قيد الانشاء!!
لتدوين باقي العشائر بابيات جديده بنفس الوزن والقافيتن!!
وتحيه لكل قبائلنا العراقيه والعربيه وعذرا إن لم أذكر قبيله ليس للتجاهل وانما هذا ما سمحت بهِ القصيده وحتى لا تكون تكرار بلقافيه وكل العشائر تاج الراس واهلنا ونفتخر بيهم
خادمكم االساعدي
|
| |  |
