المنتديات الادبية

**رجل المطر** · 01.07.17 5:18

اعله يا ذمّة توصيني

اعله يا ذمّة توصيني؟؟؟....
وحياتي انت ونبض يسري بشراييني...
ويظل اسمك علامة توسّم اسنيني.....
ولوَنك مو دمع ....ما شالتك عيني....
ويلوموني....أحسّك تكبر بروحي...
ويلوموني....ونه بلا شوفتك
شينفعن اعيوني...؟؟؟؟
يشوكي...ورجوتي...ودنياتي ولوني....
وعذابي ولهفتي....وشكواي واضنوني....
يخيّعونك عليّه ...وبيك خيّعوني....
يواهس تضحك الدنيه عله اشفافك....
يبو الليل الحلو اليلعب عله اجتافك....
أحس روحي تآمن بيك واتخافك....
واحسّك ....مدري شنهو انت.....
لغز لا حجي ولا سكته...
ولا غيرك نبع بالشوك يرويني...
وتوصيني ....
لونّك مو دمع ما شالتك عيني....،

الموضوع الأصلي : اعله يا ذمّة توصيني // المصدر : منتديات همسات المطر //الكاتب: رجل المطر