منتديات الاغاني العراقية والعربية والاجنبية

**أفروديت** · 14.09.18 22:55

كلمات شيلة الفقد واللوعات وهموم الليال - سعيد القحطاني

صور سعيد القحطاني

الفقد واللوعات وهموم الليال
ابيوتها في جوف صدري شايده

والواقع اللي كنت أحسبه من خيال
اصبح حقيقه والحقيقه كايده

ماعاد فالدنيا طراه ولا جمال
وايام حزني كل ليله عايده

اشوف همي كنه كبار الجبال
منهو لمحني صب لي نشايده

وكثر النشايد متعبه في كل حال
لو كانت اجوبتي بليا فايده

انا الحزين اللي همومه لاتزال
في كل يوم اشوفها متزايده

وانا الوحيد اللي يحب الانعزال
روحي عن ادروب الفرح متحايده

واللي حسبته في حياتي راس مال
اقفى وصدري ولعت وقايده

كنت احسبني شارب العد الزلال
واثري شربت المر جرعه زايده

يالله عفوك يوم تثبيت السؤال
واغفر ذنوب الشاعر وقصايده

> كلمات أغاني

الموضوع الأصلي : كلمات شيلة الفقد واللوعات وهموم الليال - سعيد القحطاني // المصدر : منتديات همسات المطر //الكاتب: أفروديت