المنتديات الادبية

**جولنار** · 21.10.20 13:40

جنت اشوف بگلبي احلامي الصغيره
تدور يم بيوت اهلنه
اتشلبت وكبرت على الحيطان
وتفيلها امنه
وانه لو طر الصبح
ألعب ابراس الشوارع
وچن فزعت ابصوت امي تكول عوفوها الشوارع
دم يغطيها الشوارع
والمناره بلايه جامع
وحده ابوي الركض شاف الوضع بيه صوت الحلمنه
يگدر يجيب الخبز للبعده جائع ...
امي لمت كل بگايه الحيل
لو شافت منايه جدامها تعين وتفزع الجان طالع
وحده بس الله يعرف بينه شكثر جنه نمانع
ع الضلم
بس بالوغى افواه البنادق
اقوه من صوت الرفض والجفه فارغ
وماسكتنه وهالنمانع
بعده بينه حسين ينطي دروس للحق والشرايع
بعده أعضم رجل ثائر
ناخذ العبره ابصموده الرفض (يتبع)..
مثلي مثلك لا يبايع
ذني خط فقه المسامع
الطلع من بيته قبل كلشي يوادع
بعده ذوق الموت يتخير زلمنه
والعجب .. كم ذوقه بارع
احنى عابس
والحسين الوطن
والشگگ قميصه
هنااك بالدخان لاذع

حوراء حرب

الموضوع الأصلي : جنت اشوف بگلبي احلامي الصغيره // المصدر : منتديات همسات المطر //الكاتب: جولنار