المنتديات الادبية

**المهندس** · 12.06.20 8:52

ماتدري اشتصب عيني ترا دم
والجرح ابجرح بيه ترادم
انه السبب مأساتي تره ادم
أكل تفاحته العمت عليه!
االساعدي

ياناهي وحرام اتكول مَنها
عَل مَنت عليه وحلو مَنها
كون الحارم الدلال منها
يتلكه ابكثر مابيه اذيه,
االساعدي

الشامت وكف بالباب _شله!
دكالي ابطبلته وجاب_ شله
خلاني ابكلب منعاب_ شَله
يدري احبابي ميرجعون اليه!
االساعدي

ياريت الدموع اتصير بعداك
رايد شوفتك والزمن بعداك
عليك الله تحبني اهواي بعداك؟
لو ناسيني ما تنشد عليه!
االساعدي

متندم حجيت ابيوم سراي
ماواحد ابيوم الضيج سراي
ياليل التنامه الناس سراي!
مانمته الدرب يشهد عليه!
حسين االساعدي

الموضوع الأصلي : أبوذيات , حسين الساعدي // المصدر : منتديات همسات المطر //الكاتب: المهندس