 02.09.13 20:24 | كوميلي يمه وداعتج تعبانرقم المشاركة : ( 1 ) |
عضو vip
 إحصائيةالعضو |  | | العمر : 36 | | عدد المساهمات : 2452 | | نقاط : 106076 |
|
| موضوع: كوميلي يمه وداعتج تعبان كوميلي يمه وداعتج تعبانكوميلي يمه وداعتج تعبان
صباح الخير يمه تلـگي ابنچ جاي
گومي من الگبر وبلهفه شميني
صباح الخير يمه وگومي افتحي الباب
طولت بغيابي ارجوچ اعذريني
مرت مده يمه ورسمي عنچ غاب
بس موبيدي والله وزين تدريني
انه وليدچ ييمه وماأخون رباچ
بس الغربه حالت بينچ وبيني
گوميلي ييمه وكسري السرداب
وبنفس الچفن وياچ غطيني
**** كوميلي يمه وداعتج تعبان
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
**** كوميلي يمه وداعتج تعبان
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
**** كوميلي يمه وداعتج تعبان
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
**** كوميلي يمه وداعتج تعبان
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
**** كوميلي يمه وداعتج تعبان
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ كملت دينيكوميلي يمه وداعتج تعبان
|
| |  |
