بعد مو ذاك الاول حيلنه الجان
ولا نفس العشك بعده إبكلبنه
أنتهه كلشي وبقت ويانه ألجروح
تنزف ذكريات أبنص دربنه
شككنه صوركم وأنتهه الموضوع
وبعد ما الهه داعي اتضل صورنه
زرعنه الكم عشك والطيب والشوك
وبس آلام من عدكم حصدنه
أحنه اللي صبرنه أوياكم أسنين
وعله الحلوات والمره صبرنه
تركتونه أبدربكم ليش وشلون
مثل واحد ضرير ومن يدلنه
بدربكم نشمي لا والله هيهات
ولو حننينه مره أنكص جدمنه
نشر أجروحنه بحبل المسرات
وغصبا عله الآه أبتشرنه
ولا نكشف الوحد ذيج الاسرار
عن عين الشماته أنخفي سرنه
كبل أقرب الناس أنورجه مضموم
ونحسبه البير ويبرد قهرنه
عافانه بدين أهواي عذال
العذال سكتو ,, لجن هو الفضحنه
خلينه نشوف آلام وآهات
ومانر اردود للباعوا عشكنه
طبع بينه أمن أهلنه أنوافي للموت
ونوافي الناس التقدر قدرنه
لاكنه اليخون أنعوفه للدوم
وموش أصحاب موقف لو رجعنه
09.07.13 23:31
