 10.03.16 2:49 | شيرين عبدالوهاب باكية لم اعتزل من أجل حضن رجلرقم المشاركة : ( 1 ) |
نائب المدير
 إحصائيةالعضو |  |  | | العمر : 37 | | عدد المساهمات : 21275 | | نقاط : 140240 | | 2 |
|
| موضوع: شيرين عبدالوهاب باكية لم اعتزل من أجل حضن رجل شيرين عبدالوهاب باكية لم اعتزل من أجل حضن رجل شيرين عبدالوهاب باكية لم اعتزل من أجل حضن رجل
نفت الفنانة المصرية شيرين عبدالوهاب، في تسجيل صوتي جديد لها، أن تكون اعتزلت الفن من أجل رجل.
شيرين قالت: «انا مش ممكن أكون فكرت في الاعتزال علشان ابقى في حضن رجل، ايا كانت صفته في حياتي، انا دلوقتي أم وبمارس أمومة كنت محرومة منها لفترة طويلة، أنا الفترة اللي فاتت اشتغلت وعملت حاجات كتير اوي كانت صعبة عليا بس الحمدلله».
وأضافت: «انا ما سيبتش الفن علشان قصة حب، لأنه مش معقول إنسان واحد يكون سبب في إني أتعس كل الناس اللي بتحبني وتحترمني، وعايزة اقول للناس أرحموني أنا بربي بنتين ونفسيتي تعبانة شوية وبحاول أدفى ببناتي وبأقرب الناس ليا».
ثم تهدج صوتها بالبكاء، وقالت: «صعبان عليا كل الوسط الفني، في فنانين كتير وقفوا معايا وبشكرهم من كل قلبي وبقولهم ألف شكر على جمال قلبكوا.. أنا مش عارفة إذا كنت هرجع ولا مش هرجع دي حاجة بتاعت ربنا».
ونفت تماما ما تردد عن كونها تستعد للسفر خارج مصر، قائلة: «انا مش هسيب بلدي ومش هسافر أي حتة، أنا قاعدة في البيت اللي جمب مدرسة بناتي علشان أهتم بيهم، لكن مش هسيب بلدي واسافر».
وكانت الإعلامية نضال الأحمدية قد قالت في مداخلة هاتفية ببرنامج «صح النوم»، أن من أسباب اعتزال شيرين مرورها بقصة حب فاشلة دمرتها، وحولتها لإنسانة جريحة، مشيرة إلى أن الفنانة كانت مرتبطة عاطفية بأحد الشخصيات الشهيرة. |
| |  |
