ومضـــــــــات خـارجـــــــة ع النـص
ومضـات / شعـــــر /شعبـي
مـوضـوع متـجـــدد

يمُـــر نَهْر الشِفايـفْ وآنــة عَطْشــانْ
واظِــنْ شِفتَــكْ حَبيبي للنَهر ضِفَــة
زادْ بِينَــا العَطــشْ وحـــان الإفْطَـــــارْ
ومـنْ رَشفَة مِياهَـك نِروُي هَلشِفَــة

**************
أْسكر مِن اشوفك ومِن ينحجي بطارِيـك
يمعـَـــذِب هَــلشِفــايـــفْ بِيـــك تِتغــــزل
مــا أقبـل إهانـــة مِـــنْ آغـــــازل بِيـــــكْ
بس راَضــي بمحَبتــَك يوميــة اتــــــرَزل

****************
يلــْ كِلــكْ عُذوبـــة ورِقـّـــة بيــــنِ النَّـــاسْ
جسمــكْ مِـن حَلاتـَه گـامِ يوگِــع عيـــوُن
لـــوُ ادْرِي بغيـابـَـكْ عينــي مِنـّي تْطِيـــحْ
صَـــدِگْ مـــا اعوُفــكْ لـــو يِـبـيـــدِ الكـــوْن

***************
ضعـيت الـــفرح راح بقطــار الـموت
وتيهـــت المـحطـــه وما أظـن الـحك
عجيبه الناس تضحك من أمر بدموع
طلع مشكوك حلكي وحسّبوني اضحك
>> ردي
ماضـاع الفرح لو بس قطـار يفـوت
تمـر بيهـا المحطـة والزمــن يرجـع
واذا فاتــك قطــارك لاتمـــر بدمــوع
لان عكـب الليالـــي الفجـــر يطلــــع

************
انت من لونك اخذ لونه البياض وانته من وجهك
اخذ لونه الكمر وانته منكد ما حلو
كتبو عليك معمل الحله لتصدير الشكر

*************
تغمض عيونك تريد بدوني
زين واني شلون اغمض عيوني
وكل مكان ببيتي الك بي ذكريات
شما ردت انساك ما يخلوني

*************
فليت الجرح حسبالي ملموم
وخرت الاضماد وبينت انته
جرحك مايروح مايفيد اضماد
جرحك بالكلب ول الله سلمته

**************
اريد اشكيلك عذاب الروح كونك عاد تسمعني
واريدك بالوفى وياي ابد متخون توعدني
اشكيلك مرار وظيم والحسرات سلتني
يالطيفك يعذب الروح بنص ليلي يكعدني
روحي فاركت كوه قدر مكتوب وبعدني
انا شسويت غير الخير ليش الوكت
بفراك الغوالي ظالمـــني ..
************

يعني شلون تالي كلي وياك
احبك لو اكرهك لو اعوفك
و دنياي اني احسها ويه دنياك
وتفرحلي دنيتي من اشوفك

***********
ميفيد العناد وياي ميفيد
العاندني كبل صدكـ تندم
وانت تريد بعنادك عليه تزيد
يعني تريد احبك انت تحلم

***************
دورت بــغـيـابـك ما لگـيـت احـبــاب
لأن إنته الوحيد وبس علي تــرهـم
كلشي انت بحياتي وتجري بالشريان
ليش بهـا القساوه ويـاي ما ترحم

***************
مدري شبيه زماني معاند وياي
اخذ مني الفرح ولوحدي خلاني
بس بقيت ابد ماهزني الريح
رغم جرحي الجبير وكثره احزاني

**************
هاك الروح اخذهه وانه ممنون
وماانطيك عيني ومااعوفك
مو بخلن ابعيني وشنهو العيون
اذا انطيك عيني اشلون اشوفك

***************