المنتديات الادبية

**الساهر** · 17.05.15 15:46

عن جنوني ما اكتب تنازل

هو الجنون يدوم والعقل زائل

غلط من كال الكم انا عاقل

انا بيا من الجنون براكين وزلازل

وعن جنوني ما يوم اكتب تنازل

انا بيني وبين العقل برزخا حائل

وللجنون وهبت وانذرت ايامي وما اجامل

في عالم بالحقد والكره حافل

وبيه الرذيلة بحورا مالها ساحل

اليصير وياه وحده صاحب فضائل

وبس هو من الناس يصيحوله عاقل

حتئ لو كان مجرم وسارق وقاتل

خله دما الناس الابرياء تسري جداول

غلط من كال الكم انا عاقل

بس الجنون وغيره انا ما اغازل

العقل هسئ اصبح ان يحكمنا جاهل

الذي يغتال بينا الفرح ويغتال البلابل

يسجل له التاريخ علئ انه مناضل

بطل قومي وهو ماغيره المقاتل

وينسئ من صار بقضيتنا اكبر مقاول

وبمزاد الشعوب البسيطة بيعنا شكثر حاول

ردت احجي وحجيك كالوا كله باطل

وبوجهي سدوا المخارج كلها والمداخل

حرت ويا من احجي ومن اقاتل

لهذا اصبحت مجنون وبعد لا تصيحولي عاقل

الموضوع الأصلي : عن جنوني ما اكتب تنازل // المصدر : منتديات همسات المطر //الكاتب: الساهر