مقادير المحبه موجعه لو برقها جذاب
ياليل الشوق لاتبحث خفاي بحضرة الغيّاب
ليا زارت طيوف احبابك العين وتجمعنا
تصحّي جمرة إحراق المشاعر من غلا الآحباب
وحنا كل مانصحي قبضناها بأصابعنا
هديلك ياحمام الورق في قلبي شقا وآتعاب
وقصدك لليال الماضية تبغى ترجعنا
على هونك ترانا يالحمام اللي تدوج آغراب
نودعك بنهايات اللقاء والا تودعنا
على خضر الورق تلعب لحونك ثم تطير اسراب
الا ياليتنا نقدر نطير اليا تولعنا
كتبنا من دموع العين سطر وكلمتين اعتاب
شكينا اظروفنا وأصحابنا ماعاد تسمعنا
مقادير المحبه موجعه لو برقها جذاب
تموت احلامنا عبر الزمان ولا تشجعنا
والآطياف اتحكي عن صورة ٍ منزالها الأهداب
اضيع بدربها يوم الوداع ولاتضيعنا
مسافر في دجى ليل ٍ بهيم وبدره اللي غاب
واشوف وجيه ٍ اعياها الزمان مسافره معنا
تلاقينا على صمت العيون وشيمة الأعراب
تباعدنا على طهر ٍ شرينابه ولابعنا
05.10.16 23:39
