طبعا اكتر حاجة بنهتم بيها هى تنظيم وترتيب المنزل وبنضايق جدا لما مش بنلاقى نظام . وعشان كدة من اهم القطع الى بنلجأ ليها هى دولاب الملابس. وطبعا كتير بيحلم ان يبقى موجود فى بيته مكان مخصص للملابس زى غرفة خاصة بالملابس ولكن مش بيبقى متاح عند الكل بسبب المساحة انهم يعملو غرفة لخلع الملابس . فالو كنت من الناس الى عايزة تعمل غرف لملابس خاصة او خزانة تقليدية فلازم تشوف النصائح الى هنقدمها النهاردة للخزانات .
اول حاجة طبعا هى مكان الخزانة ومن المعروف والمنتشر عندنا ان الدولاب بيبقى بجانب السرير فى غرفة النوم وعشان نلاقى افضل النتائج لازم نخلى بالنا جدا من اماكن الخزانة وان مساحتها تكون كبيرة جدا وتعوق الحركة فى الغرفة
لون الدولاب من الحاجات برضو الى لازم نراعيها هى لون الدولاب وانها متبقاش غريبة او مختلفة عن باقى غرفة النوم مثلا ودة عشان ديكور الغرفة يكون شكله حلو ويكون المنظر عموما مريح للعين .
لو مساحة الغرفة عندك صغيرة ممكن تستخدمى اشكال من الخزانات زى مثلا الدولاب المغلق او كمان الدولاب متعدد الاستخدامات والى ممكن تدهنيهم بنفس لون هاتحسى انه اندمج مع الحيطة ومش هياخد مكان كبير وفى الدولاب الكلاسيكى وهو بيبقى شكله حاد شوية ودة للناس الى بتبقى عايزة دولاب منظم اكتر وفى مساحات لكل الاغراض.
المرايا من اهم قطع الديكور وبرضو فى الخزانات او غرفة الملابس لانها بتدينا احساس بأتساع فى المكان وكمان عشان نقدر نلبس ونختار هدومنا براحتنا. فممكن تعمل ابواب الدولاب فيها مرايات او كمان لو عندك غرفة للملابس ضيقة فحط فيها مرايات.
اضاءة المكان حاجة مهمة جدا لانها بتظهر جمال الغرف ولكن لو حطيناها بطريقة ذكية وكمان الكلام دة ينطبق على غرفة الملابس او الدولاب عشان الاضاءة الجيدة اولا هتريح العين وكمان هتساعدنا اننا نظم ونرتب الدولاب براحتنا ونختار الاغراض بتاعتنا براحتنا.
01.03.18 22:02
