المنتديات الادبية

**البراق** · 21.01.16 13:27

زهيريات عراقية جديدة ، زهيريات حب ، زهيريات رومانسية جديدة

زهيريات عراقية جديدة ، زهيريات حب ، زهيريات رومانسية جديدة ، زهيري عراقي شبابي ، زهيريات عتاب ، اجمل زهيريات عراقية

منهو ضعيف البخت الكال منحبكم
واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن بيه الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم

ضحكت حبيبي دوه الجر الكلب شافتو
عينو وسيعة ومثل لون الجمر شغتو
ولفي احلا من الكمر طعم العسل شفتو
الكمر مالو عطر هيل مخلوط ابان
ولاطولو طول الرشى ولاغصنو غصن البان
الكمر لوما الشمس مالاح نورو بان
واني الشمس تستحي من ولفي ان شافتو

سألوا تعرف الفرح لا جاوبت معرفه
وسالوا تعرف الحزن اى جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه

ياصاح جوي خبط ماضنتي يـصفي بعد
من يوم شـال الترف مـن يمي راح وبعد
وضليت اصفك بــدي مـافكـرت بـلـبـعد
كـالـولـي اصـبـر لازم يـجيــك بـيـــوم
خلصـت كل عـمري انا احسب اليوم بيوم
تـيهـت انا حسبتي وثاريني باخر يــوم
كالولي هسه يجيكـ كلـتـلهم شـظـل بـعد

الموضوع الأصلي : زهيريات عراقية جديدة ، زهيريات حب ، زهيريات رومانسية جديدة // المصدر : منتديات همسات المطر //الكاتب: البراق