المنتديات العائلية

**بنت الجزائر** · 07.06.16 17:27

طريقه عمل الكبيبة الشامى 2016

المكونات:

1/2 كيلو برغل.. 1/4 كيلو لحمة حمرا.. بصلة كبيرة.. ملح وفلفل.. م ك بهارات.. م ص قرفة.. م ك كزبرة ناشفة وكمون..
للحشو: 1/2 كيلو لحمة مفرومة.. 2 بصلة كبيرة.. صنوبر(حسب الرغبة)..

الطريقة:
* نبدأ نغسل البرغل كويس جدا وبشكل خفيف اوي وعلى السريع..
ونصفية على طول و نضيف ماية كمية تعادي كمية البرغل بالظبط.. انا عملت نص كيلو برغل فضفت 4 كوبايات ماية..
وعلى طول خلال نص ساعة حتبدأ تشرب الماية..
* نصفي البرغل في مصفى ونسيبة على الاقل 6 ساعات وبفضل نعمله قبليها بيوم على الاقل وندخله التلاجة ويتصفى براحته علشان نضمن اننا نتخلص من كل الماية الزيادة..
* حنبدأ نحط في المفرمة البرغل واللحمة والبصل بالتناوب..
نعجن الكبيبة في بعض علشان البرغل واللحمة يندمجو كويس جدا
ونفرمها لتاني مرة على نفس العين الي هي وسط مش الكبيرة ولا الضيقة اوي..
* نحط البهارات و نملح العجينة حسب الرغبة.. ونعجن كويس جدا جدا لحد ما البهارات والملح يتوزعو كويس وكمان تبقى متناغمة ومتجانسة..
* ناخده ونحطه في التلاجة يرتاح حوالي ساعة قبل ما نحشيه..
* نحضر الحشوة: هنشوح البصله على النار ولما تدبل ننزل باللحمة المفرومة ونقلب لما تستوي.. نتبلها بملح وفلفل ونضيف عليها الصنوبر المقلي ونتركها تبرد تماما..

* نشكل الكبيبة على هيئة اسطوانة ونبدأ نعمل ثقب او فجوة في النص بصباعنا السبابة..
* بعد مابقت محفورة من جوة برضو شكلها من بره ما اتغيريش لان العجينة متماسكة وسهلة التشكيل.. و نحاول نخليها زي القمع من على الطرف..
* حنحط الحشوة و ما تكتريش ولا تقللي خير الامور الوسط..
ونبدأ نقفلها بإننا نلفها ونضغط لحد ما تقفل ويبقى شكل الطرف الاخير بعد ما اتقفل زي القمع الي تحت بالظبط..
* يفضل قلي الكوبيبية في زيت غزير نوعا ما وعلى حرارة متوسطة..
نحاول ما نحركش الكوبيبة وهي في الزيت على الاقل اول 7دقايق علشان بتبقى طرية ومش عايزين نضيع تعبنا..
* ارفعيها على مناديل المطبخ الورقيه وقدميها بألف هنا ليكم

طريقه عمل الكبيبة الشامى 2016 NEVqCPb