 18.09.16 7:33 | شوكت نرتاح تاهت والقفل ماظل اله مفتاح رقم المشاركة : ( 1 ) |
المراقبة العامه
 إحصائيةالعضو |  |  | | عدد المساهمات : 8851 | | نقاط : 120754 |
|
| موضوع: شوكت نرتاح تاهت والقفل ماظل اله مفتاح شوكت نرتاح تاهت والقفل ماظل اله مفتاح
شوكت نرتاح
تاهت والقفل ماظل اله مفتاح
شوكت نرتاح
من يامذهب أنتوا، ياشرع، يادين
صارت ونسه عدكم لعبه الأرواح
شوكت نرتاح
كل ساعه أنفجار ومانميز وين
ناس تموت، واحد راح، واحد طاح
واحد مات أمه تبچي من الظيم
وتگله يايمه شلون أرجع الراح
واحد راسه ماكو ومايعرفوه زين
بس شافه أبوه راسآ أجاله وصاح
شوكت نرتاح
شيسوي أبوه ينقهر، لو يبچي
يگول أبني ملاك ومالگاله جناح
شوكت نرتاح
ماتعرف منو ال وياك، منهو عليك
كثروا همه صاروا كل فرع سفاح
حرگوا كل حلاه البيچ يابغداد
اليابس والأخضر راح والقداح
شوكت نرتاح
عوفونه نعيش شويه متهنين
وروحوا هناك فجروا بدار ال سعود، ال صباح
صارت صعبه كلش نعترف بالحب
الأطفال گاموا يشترون سلاح
هذا الموت مايعرف طريقك وين
مايعرف طبيب وأرمله وفلاح
شوكت نرتاح
هم تصفه ونگول نعيش مرتاحين
صار الفرج وين !! بعيد ماينلاح
عراق أتذكرك آنه بسفينه نوح
وهاي السفينه تريد بس ملاح
كافي شويه خلي نعيش متهنين
نزرع ورده أحنه وترجعلنه رماح
لو تاخذ عمرنه بساع، ملچ الموت
يوميه نموت وننقهر عالراح |
| |  |
