 19.09.16 11:45 | مرات أشتهي التابوترقم المشاركة : ( 1 ) |
المراقبة العامه
 إحصائيةالعضو |  |  | | عدد المساهمات : 8851 | | نقاط : 120754 |
|
| موضوع: مرات أشتهي التابوت مرات أشتهي التابوتمرات أشتهي التابوت
وتاهت براسي السنين!..
وضعت دمعة بدون عين..
لا آني ماي
ولاآني نار
ولا آني طين..
منهو آني
وليش أجيت؟!..
وليش من جيت أنتهيت؟!..
وليش بالضحكة بچيت؟!..
يهنيالة النسيم يعيش عمرة بلاية بيت..
بعدني أمشي بخلگ جناز!!
وبراسي الف تنور..
ذنبي أوراق شجرة أحترگت من الجوع
ما تطفى بنبي لو يصعد بناعور..
حلمي جنود صارت أكل للبارود
وفك حلّگة إعلى حيلة ويآكل الشاجور..
حلوة الدنيا للميتين !!
وسودة الدنيا للناس
التعيش
تراب فوگ گبور..
مرات أشتهي التابوت..
مثل الكوخ من يجوع
يحلم لو يغص بقصور..
وهاي الدنيا عمية راي..
وسيع الثوب للترگص إعلى الفاهين!.
وضيّگة عيون وجه الناي..
غربة الدرب من أمشي
بجنازة وعيني مو وياي..
وهسة المهم ما أطّول أريد
أخلص مطر بالماي..
أريد سنيني تخلص
سالفة بشفة بشر بطران..
هو الطين غير الدوس
شمّحصل من البستان؟!..
ما أخاف اليخاف يموت..
وهو الموت رجفة شفة للعرسان!!
ما أجوع اليجوع يموت
وهو الجوع هلهولة بسلف طرشان!!..
ما أشوف اليشوف يموت
وهو الموت نظرة شوگ للعميان!!..
ما أموت اليموت يموت!..
وهو الموت موت
شما گبر عل الناس
تاليتة گبر وتراب للنسيان.. |
| |  |
