المنتديات الادبية

**قمر بغداد** · 20.09.16 18:50

ولك حته القصايد صارن وياك

گلولك نسيتك تعقل شلون!
وهذا الگالك كل عقله ناسيك ؟!

ولك حته القصايد صارن وياك
أكتب عالعراق وتطلع عليك....

ردت أنساك حته بنومي أرتاح
وأغمض جفني ويمرن طواريك..

وتمر يم باب عيني وتحچي الدموع
وتمر يم باب جرحي وينخبص بيك...

وتخضر تايه بلون المحطات
ويتانيك القطار ومايتانيك..

واشوفك سيف ماتندل الجروح
وتكسر خاطري وبجروحي أدليك..

الموضوع الأصلي : ولك حته القصايد صارن وياك // المصدر : منتديات همسات المطر //الكاتب: قمر بغداد