المنتديات الاسلامية

**الساهر** · 06.10.16 1:16

باسم الكربلائي يمه اطمنج علية mp3 باسم الكربلائي ليلة 4 محرم 1438

باسم الكربلائي يمه اطمنج علية mp3 باسم الكربلائي ليلة 4 محرم 1438
باسم الكربلائي يمه اطمنج علية mp3 باسم الكربلائي ليلة 4 محرم 1438

نعود اليكم من جديد في احلى قصائد ولطميات وشعائر حسينية جديدة وحصرية

معنا اليوم قصيدة رائعة للمبدع باسم الكربلائي بعنوان يمه اطمنج علية ليلة 4 محرم حسينية داود العاشور

باسم الكربلائي يمه اطمنج علية mp3 باسم الكربلائي ليلة 4 محرم 1438 P_278yo1x1

كلمات الشاعر ايهاب المالكي

يمه اطمنج عليه كطعتهن ايديه
وفيتج بعيني وجفيني وسنيني يم المشرعة
يا حره ربيتي ضحيتي وانطيتي لحسين اربعة

اطماني واني جايبلج خبر زين
اربعتنا يمه رحنا فدوه لحسين
من تساليني على روحي والنفس وين
روحي يمه للاخوة وفت الدين
صوغتي من الطف يا يمه ذل الاثنين
خبر قطع جفوف ايديه ودمعة العين
يمه ولدج نشامه ما رجعله بسلامه
اني اوصي باخواني بايماني ومتاني ما واحد يضل
لخاطر العشرة والعطره والزهره نتقطع وصل
اني اخر منيه قطعتهن ايديه

احمد الله يمه صدري خلص انفاس
روحي صعدت للسمه وياها حراس
انتي خليتي المنيه عدنا مقياس
كلتي تنذبحون لازم وارفع الراس
جان راية الله حفوتي يوصل احساس
لامنه كالو واليوصله انت عباس
حملوني امانه رفعي راسج ضمانه
شلت الصبر رايه وهدايه من هايه دين المصطفى
بيه الجمر ضوه للنخوه والخوه بعد ما طفى
من خذتني الحميه قطعتهن ايديه

انا اوصيج بوصيه يالاصيله
يمه وديني سلاليل العقيله
انا ادور صبرها عن مثيله
من سبوها ماكو واحد تشتكيله
هي تدري بالكفاله مو قليله
وانا ادري عكبي هي هم كفيله
يمه لاخر عمرها اني حارس خدرها
انا الي عرفوني وصفوني سموني سبع الكنطره
يا يمه واسيها طمنيها بلغيها عني المعذره
عني راحت سبيه قطعتهن ايديه

من تلكيت السهم وانطيته دمي
كتله من تذبح نظرتي انا اسمي
كتله راح اكتب خلودي واجلي همي
يا سهم والدم مدادي وانت قلمي
السهم حير فضوله هذا عزمي
كتله اريد بهذا موتي تفرح امي
شلون اضيع رباها الله يرضى برضاها
هايه الي بافكاري باصراري والباري الها جلته
شلون ابن حيدر يتعذر ما يكدر وامه تنخته
على العهد يالابيه قطعتهن ايديه

انا عند ظنج يا يمه شوفي قدري
حسين كلي من اتركك احمي ظهري
عندي منزلته يا يمه بيها يدري
هو اخوية وهو امامي وهو ذخري
نحره من انحز يا يمه كبله نحري
صدره من انرض يا يمه كبله صدري
صاح من طاحت ايدي راح اخوية وعضيدي
شفته انخطف لونه وعيونه وجفونه غركت بالدمع
وكبال شماته اهاته حسراته صارت تنسمع
ردته ائدي التحية قطعتهن ايديه

انتي مو بس امرأه وحيدر رضاها
جان نساب العرب يعرف اباها
غيرتج محد عرفها سر محتواها
وين اكو مثلج مرأه تضحي بضناها
سيرتج من يدري بيها الما قراها
يكول ماتت فاطمة الله حياها
ما تمرني الهزيمه وامي هاي العظيمه
انتي وره افعالي والتالي للتالي باسمج افتخر
يا نور الي بكلبي وبدربي من حربي جايبلج نصر
هذا نصرج هديه قطعتهن ايديه

انا ضامي ما تركته جمري يخمد
شلون يمي ران زينب كلبي يبرد
روحي جفت بس ضميري شفته ورد
والنهر من عاينتها بيه ما صد
متت ضامي ما شربته ربي يشهد
انا هسه يمه كاعد يم محمد
كلي اخذ البشاره صار جفك مناره
لمن تلكاني ضماني كناني راعي الاوله
شفته ابتسم قائل يا كافل تستاهل كبة كربله
هايه ثمرة قضية قطعتهن ايديه

للتحميل والاستماع من هنا http://e.top4top.net/m_278flza2.mp3

او

يمه - أطمنج تحميل ● مركز تحميل الصور والملفات

الموضوع الأصلي : باسم الكربلائي يمه اطمنج علية mp3 باسم الكربلائي ليلة 4 محرم 1438 // المصدر : منتديات همسات المطر //الكاتب: الساهر