المنتديات الادبية

**مشاعر انثى** · 19.10.16 4:05

عجزت أفرق بين وصلك وفرقاك

أموت من فرقاك..وأموت بلقاك
وأموت من جورك..وأموت بحنانك
كلٍ قضاه يموت مره ويفداك
وأنا أموت ألفين مره عشانك
أذكرك لامني نسيت إني أنساك
وأنساك لامني ذكرت نسيانك
رضيت أنا بالهم لرضاك ما ارضاك
وأرخصت لك قلبٍ جرحته وصانك
أجيك في صدري عتابٍ وأبجفاك
وأرجع ألوم الوقت وأقول خانك
أحب فيك إحساسي إني بلاماك
في عز خوفي منك أحس بأمانك
عجزت أفرق بين وصلك وفرقاك
يلي عطيت الناس بإيدك عنانك
مرن تجيني لين أقول إني إياك
ومرن تروح بعيد وأنسى أوانك
أقبل وتقفي وأعتذر عن خطاياك
وأقول ما عييت عيا زمانك
وإن خانتك دنياك أو خنت دنياك
إرجع وتلقابي مكانك..مكانك

الموضوع الأصلي : عجزت أفرق بين وصلك وفرقاك // المصدر : منتديات همسات المطر //الكاتب: مشاعر انثى