المنتديات الادبية

**قمر بغداد** · 24.04.17 20:23

شعر جميل - اجمل ابيات الشعر - شعر ميثاق الهلالي - لا تمسح دموعي شبيك

ﻻﺗﻤﺴﺢ ﺩﻣﻮﻋﻲ ﺷﻌﻨﺪﻙ ﻭﻳﺎﻫﻦ

ﺳﻮﻟﻒ ﻏﻴﺮﻫﻦ ﺫﻧّﻲ ﺍﻓﺘﻬﻤﻨﺎﻫﻦ !

ﻋﻠﻪ ﻫﺬﺍ ﺍﻟﺨﺬﺍﻙ ﺍﺣﭽﻴﻠﻲ ﻳﻔﻬﻢ ﺑﻴﻚ

ﻭﺍﺳﺘﻮﻋﺐ ﺭﻣﻮﺷﻚ ﻋﺮﻑ ﻣﻌﻨﺎﻫﻦ؟

ﺷﻠﺘﻪ ﺍﺑﻴﻨﻬﻦ ﻭﺍﻟﭽﺎﻥ ﺑﻴﻬﻦ ﻃﺎﺡ

ﺫﺑّﻴﺘﻪ ﺍﻟﮕﺒﻞ ﺑﻌﻴﻮﻧﻪ ﺧﻼّﻫﻦ !!

ﭼﺎ ﻣﻦ ﺷﻠﺘﻪ ﻣﻨﻬﻦ ﻣﺎﺣﺴﺒﺖ ﻳﻤﻮﺕ

ﺫﺍﻙ ﺍﻟﮕﺎﻟﻚ ﻣﺎﻋﻴﺶ ﻟﻮﻻﻫﻦ؟؟

ﺍﻟﺒﺪﺍﻙ ﺍﻋﻠﻪ ﺭﻭﺣﻪ ﺑﻠﺤﻈﻪ ﺗﻐﺪﺭ ﺑﻴﻪ

ﺍﻟﺒﺪﺍﻙ ﺍﻋﻠﻪ ﺭﻭﺣﻪ ﺳﻨﻴﻨﻪ ﺑﺪّﺍﻫﻦ !

ﺍﻟﻤﻬﻢ ﺳﻮﻟﻔﻠﻲ ﻋﻦ ﻫﺬﺍ ﺍﻟﺠﺪﻳﺪ ﺷﻠﻮﻥ

ﻣﻦ ﻳﺸﺮﺏ ﻋﻴﻮﻧﻚ ﻳﺴﻜﺮ ﻭﻳﺎﻫﻦ؟!

ﺗﻬﺠّﻪ ﺣﺮﻭﻑ ﺧﺪّﻙ ﻭﺍﻟﻠﻐﻪ ﺍﻟﺒﺸﻔﺎﻙ

ﻟﻮ ﺻﻌﺒﻦ ﻋﻠﻴﻪ ﻣﺎﮔﺪﺭ ﻳﻘﺮﺍﻫﻦ؟؟

ﻋﻠﻪ ﺻﺪﺭﻙ ﺣﻈﻨﺘﻪ ﻭﺳﻠّﻤﺖ ﻭﻳﺎﻩ

ﺗﺒﺪّﻥ ﺑﻴﻦ ﺍﺩﻳﻪ ﻭﺍﻟﺸﻌﺮ ﻏﻄّﺎﻫﻦ؟

ﻳﺨﺠﻞ ﻣﺜﻠﻲ ﻟﻮ ﻛﻠّﺶ ﺗﻤﺎﺩﻩ ﻭﻳﺎﻙ

ﺍﻟﻤﺎﺳﻮّﻳﺘﻬﻦ ﻭﻳّﺎﻙ ﺳﻮّﺍﻫﻦ؟؟

ﺳﺘﺮﺕ ﺍﻟﺬﻛﺮﻳﺎﺕ ﺑﺨﺎﻧﺔ ﺍﻟﻨﺴﻴﺎﻥ

ﺧﻮ ﻣﺎﻓﺮّﻋﻦ ﻭﺍﻧﺠﺎﺏ ﻃﺮﻭﺍﻫﻦ؟

ﺧﺎﻑ ﻳﺸﻢ ﻋﻄﺮ ﻣﻦ ﻋﻨﺪﻱ ﻋﺎﻟﻘﻤﺼﺎﻥ

ﺷﺪ ﻋﻴﻮﻧﻬﻦ ﻭﺍﻏﺴﻞ ﺧﻄﺎﻳﺎﻫﻦ ..

ﻣﺎﻋﺎﺗﺐ ﺑﻌﺪ ﺷﻴﻔﻴﺪ ﺑﻴﻚ ﺍﻋﺘﺎﺏ

ﺍﻟﻤﺎﻓﺎﺩﻥ ﮔﺒﻞ ﻫﺴّﻪ ﺍﺗﺮﺟﺎﻫﻦ

ﺗﺮﻩ ﻫﻨّﻪ ﺍﻟﻮﻓﻪ ﻭﺍﻟﺼﺪﮒ ﻫﻢ ﺻﻌﺒﺎﺕ

ﻳﮕﺪﺭﻫﻦ ﺭﺩﻱ ﻭﻏﺪّﺍﺭ ﺣﺎﺷﺎﻫﻦ

ﻻﺗﺴﺎﻝ ﺷﻤﻮﻋﻲ ﺷﻠﻮﻥ ﺍﺧﺬﻫﻪ ﺍﻟﻠﻴﻞ

ﻣﻮﻣﺴﺄﻟﺔ ﻟﻴﻞ ﻓﺮﺍﮒ ﻃﻔّﺎﻫﻦ ..

ﺍﻟﺴﻨﺎﺑﻞ ﻫﻴﭻ ﻣﻦ ﻓﺎﺭﮔﻬﻦ ﺍﻟﻔﻼّﺡ

ﻃﻴّﺢ ﺭﻭﺳﻬﻦ ﻭﺗﺮﺍﺏ ﺧﻼﻫﻦ

ﻭﻻﺗﺤﺴﺪﻧﻲ ﻫﻨﻪ ﺍﻟﺒﻘﻦ ﺑﺲ ﺿﺤﻜﺎﺕ

ﺑﺎﭼﺮ ﻳﻨﺘﻬﻦ ﻭﺗﻤﻮﺕ ﺫﻛﺮﺍﻫﻦ

ﻣﺮّﺍﺕ ﺍﻟﻄﻴﻮﺭ ﻳﻐﻨّﻦ ﻣﻦ ﺍﻟﻈﻴﻢ

ﻓﻚ ﺑﺎﺏ ﺍﻟﻘﻔﺺ ﺩﻣﻌﺎﺕ ﺗﻠﮕﺎﻫﻦ ..

ﻋﻦ ﻳﺎﻫﻦ ﺍﺣﭽﻴﻠﻚ ﻗﺴﻮﺗﻚ ﻓﺮﮔﺎﻙ

ﺑﻴﺎﻫﻨّﻪ ﺍﺑﺘﺪﻱ ﻭﺍﺧﺘﻤﻠﻚ ﺑﻴﺎﻫﻦ!

ﻣﺎﺗﺬﻛﺮ ﺍﺑّﺎﺑﻚ ﻣﻦ ﻭﮔﻔﺖ ﺷﻠﻮﻥ

ﺍﺳﻮﻟﻒ ﻭﺍﻟﺠﺪﺍﻡ ﺍﺗﻌﺎﺭﻙ ﻭﻳﺎﻫﻦ

ﻭﺷﻔﺖ ﭼﻔﻮﻓﻚ ﺍﻟﻠﻮﺣﻦ ﺑﺎﻟﻠﻪ ﻭﻳﺎﻙ

ﻫﻴﭻ ﺑﻬﺎﻟﺴﻬﻮﻟﻪ ﻭﮔﻠﺒﻚ ﺍﻧﻄﺎﻫﻦ!

ﻣﺎﺗﻦ ﻛﻞ ﺻﻮﺭّﻙ ﺑﻴﺪﻱ ﻣﻦ ﺭﺩﻳﺖ

ﻭﺍﻧﻪ ﻭﺻﻔﻨﺘﻲ ﺍﺻﻮﺭّﻙ ﺭﺛﻴﻨﺎﻫﻦ

ﺍﻧﻪ ﻭﺟﻔﻨﻲ ﺍﺩْﻣَﻨّﻪ ﺍﻟﺪﻣﻊ ﻭﺍﻟﻠﻴﻞ

ﻋﺸﺮﺓ ﻋﻤﺮ ﻭﻣﻦ ﺍﻟﺼﻌﺐ ﻧﻨﺴﺎﻫﻦ

ﺷﺮﺟﻌﻠﻚ ﻣﺤﻄﺎﺕ ﺍﻟﻮﺭﻭﺩ ﺗﻤﻮﺕ

ﺍﺫﺍ ﺷﺎﻓﻦ ﻗﻄﺎﺭ ﺍﻟﻨﺪﻩ ﺍﺗﻌﺪﺍﻫﻦ ..

ﺍﺭﺟﻊ ﻭﺍﻟﺴﻨﻴﻦ ﻭﻋﻤﺮﻱ ﺍﻟﻤﺼﻠﻮﺏ

ﻭﺟﺮﻭﺣﻚ ﺑﺮﮔﺒﺔ ﻣﻦ ﺧﻄﺎﻳﺎﻫﻦ؟!

ﮔﺘﻠﻚ ﻛﻠﺸﻲ ﺍﺗﺤﺪﻩ ﺍﻟﻘﺼﻮﺭ ﺍﻃﻴﺢ

ﻭﻗﺼﻮﺭ ﺍﻟﻤﺸﺎﻋﺮ ﻣﺎﺍﺗﺤﺪﺍﻫﻦ..

ﺍﻧﺖ ﺑﻼﻭﻋﻲ ﻭﻫﺪّﻣﺖ ﺑﻴﻪ ﻗﺼﻮﺭ

ﻭﺍﻧﻪ ﺑﻼﻭﻋﻲ ﻭﻫﺪّﻣﺘﻚ ﻭﻳﺎﻫﻦ

ﺻﺮﺕ ﺑﻼﻭﻋﻲ ﻭﻫﺪّﻣﺘﻚ ﻭﻳﺎﻫﻦ

ﻟﻠﺸﺎﻋﺮ ﻣﻴﺜﺎﻕ ﺍﻟﻬﻼﻟﻲ

الموضوع الأصلي : شعر جميل - اجمل ابيات الشعر - شعر ميثاق الهلالي - لا تمسح دموعي شبيك // المصدر : منتديات همسات المطر //الكاتب: قمر بغداد