 18.05.12 21:32 | سـالوني اكــلهم هــوة كتـالي....رقم المشاركة : ( 1 ) |
عضو فعال
 إحصائيةالعضو | | في روح العراق |  | | عدد المساهمات : 246 | | نقاط : 98949 |  |
|
| موضوع: سـالوني اكــلهم هــوة كتـالي.... سـالوني اكــلهم هــوة كتـالي....سـالوني اكــلهم هــوة كتـالي....
رسمتك صورة مطبوعة بسواد العين
ومــا غمض اخافــن تنمحي الصــورة
وكتبتك ذكره حلوه مو علة الحيطان
كلبــي لـــذكرتــك ســويتة صـــبورة
وردتك ايـــد تــرفة اتنشف الدمـعات
مــــا ردتك تخلي الدمـــــع نافـــورة
استغليت المــحبة وبـكت كلبي بليــل
وانـــة لكلبك صرت للصبــح ناطــورة
شجرة وانتة طير ابروحي احامي اعليك
ولجل عينك جميع اغصاني م**ورة
شـيفيد الــملك لــو مــا علية حراس
مـــا ينهاب حــدة وينـــهدم ســـورة
مـــا يحيه الــزرع والنــهر عنة ابعيد
بــس تدري الفضل يرجع الناعـــورة
مــا عدد الك وافضالي تــدري اهواي
يــغركنـــك اذا تــحسبـــهن افـضـالي
جنت اول الك وانتـــة باخيـــر الناس
كتلك صيــر اول وانـــة الك تـــالي
كلــت الــكمر عــالي وابد مـا يـــلاح
سويتك كمر وانتـــة الصرت عــالي
شنهو الكلت غـــالي وماكلتك هــاك
انتـة الغالي لــجلك يرخص الــغالي
تعاهدنــة وكـلت للمـــوت مأنــساك
تنسة العشرة ابـد مــا جانت ابــالي
اذا ناسيني انــة لهسة مـا نـاسيك
ولــهسة السوالــف واكـفة اكبــالي
جــنت ويــاك واحد مــا نصير اثنين
مثل ضلي جنت من امشي تبـــرالي
كعدت اكبالي مرة اتغازل انة اوياك
ولكيت اخيال جسمك شابك اخيالي
يالرمشك سهم وحواجبك كالقوس
بــس تخزر علــي تتكطع اوصـالي
ازعلت مني ونفخت بوجهي من امشيت
ونفختـك عــاصـــفة وطـيرت دلالي
عمي انسة المضة وارجع وعوف لفات
يــرحــم بيـك ربــك درحم ابحـــالي
مريض انة اصـبحت والسبب هوة اجفاك
واذا سـالوني اكــلهم هــوة كتـالي |
| |  |
