 28.04.18 0:34 | شلت زعلك بكلبي وثكلن الخطواترقم المشاركة : ( 1 ) |
عضو vip
 إحصائيةالعضو |  | | عدد المساهمات : 3536 | | نقاط : 67340 | 
أبيك تدري إني فيك أكتفيت
وأبيك سما مايوصلك إلا أنا |
|
| موضوع: شلت زعلك بكلبي وثكلن الخطوات شلت زعلك بكلبي وثكلن الخطواتشلت زعلك بكلبي وثكلن الخطوات
وبيه الناس حست كالت اشايل
وعصف بيه العتب ريح بصدر بستان
واوكع وركه طاحت من غصن مايل
يشاورني الهوى يكلي الولف زعلان
ويرجف كلبي مثل طويرة الزاجل
وانه حاجيت دمعي اطلع بعد للناس
وصلت للوداع المن ولك خاتل
شلعت سنين عمري الغرسن بالطين
ولكيت الجرح بيه من الجذر حايل
وصلولك حجي وكالوا جبت طاريك
واني ودفو عيونك كلشي ما كايل
من مكسور اجيت الحسره طفله وياي
تدفعني واكع وتكلي تستاهل
اذا شايل بعينك عتب يجدح غيض
انه بعيني غير الدمع ما شايل
حسره بصدري نسمه المهم بيه تفوت
محتاجك حظن ياخذ كلب جافل
حيرة كلبي حيرة ام الثمانين
نزلوا ربع ابنهه وهو ما نازل
ما رادك تروح الدمع جلب بيك
دفعته ورحت رد متندم وفاشل
مر بيه ندم ما مر على الجتال
وحز روحي خجل ما حاسه العايل
فوك خدودي دمعي الخشن ما يرتاح
رايد صحره شيسوي بوجه ذابل
لبست الفشله ثوب من النحر مشكوك
وطلعت اركض وشعري اعلى المتن هادل
وعلي كالت الناس شلون دنيا وهاذ
ياهو الخبله وجان الصبح عاقل
من زعلان رحت العمر كدته وياك
وبقيت انطر شبابي بحسرة الجاهل
شمتت بي عيني الناس ما يدرون
واحس نبض الكلب لمن يدك عاذل
منقول |
| |  |
