 29.07.18 1:46 | مشتاكلك والليل وحشةرقم المشاركة : ( 1 ) |
عضو vip
 إحصائيةالعضو |  |  | | عدد المساهمات : 1449 | | نقاط : 55231 |
|
| موضوع: مشتاكلك والليل وحشة مشتاكلك والليل وحشةمشتاكلك والليل وحشة
ودمعتي التنزف ثكيلة
وصوتها من اطيح عالي
وحتى محد يدري بيها ،،
اركض اتلكاها بيدي لمن تمر علبالي
انت وين ؟ وانه نص موعد بدونك
مدري ياهو يسد مكانك
وحشة فراكك جبيرة
بكد عشرتك نار تكبر
تحرك بروحي امنيات
ويعلى دخان الظنون
وطيري مذبوح واحس بي يختنك
كل هذا وانه باقي ادور
بلكت الكالي حلم مامحترك
بلكت الكالي وعد مانفترك
لو جمرة منك حتى اشوفك
واصبر وتنشف دمعتي
وترجع بروحي الحياة
انت موجود بحياتي تروح تبقى
حتى بعيوني من ادور الكه
تارك ذكريات ،،
جفي بعده باقي اثرعزفك عليه
ناس صح تشوفه لكن محد يلمسه بديه
من طفولة موعد ي وياك الكمر ماخذ عليك
بيدك يظل والى ان تمشي عني
بكل هدوء تركه غافي
تبوسه وتكله حبيبي نايم نومك عوافي
وتمشي عني وارجع بلياك اتاني
والسما تغيم وداع وتمطر بحظن الثواني
وابرد واسئل صفنتي يمتى اشوفك ؟
يمتى اخلي الساعة تفتر من جديد؟
شلون اخلص ليلي وحدي وانه احس انت بعيد
جفني ساكت كوة يمي اخاف اموت
يبجي سكتة حتى مااحس بالدموع
يدري ظل بالي عليك
يمتى اشوفك تتعب عيوني من اركز بنتظارك
واعدتني وكتلي اعود وكلشي رد
خوفي
حسرتي
الحيرة
الظنون
العذاب
كلها ردت الا انت
شماء اصد لدربك الكه الصورة تتحول ضباب
شما ركضت لنهرك ارجع مكتشف نهرك سراب
منو اليندلك طريق الليل ؟
لا مايدري بيك هواي
جم مرة سئلته ورفض ينطيني جواب
الشاعر المبدع (ايهاب المالكي) |
| |  |
