منتديات الاغاني العراقية والعربية والاجنبية

**شرقية متمرده** · 28.08.18 3:28

كلمات اغنيه Hamza Namira - Dari Ya Alby ,حمزة نمرة - داري يا قلبي

صوره حمزه نمره

مالك مش باين ليه؟
قلبك تايه من مدة كبيرة
خايف تتكلم ليه ... في عيونك حيرة وحكاوي كتيرة
متغير ياما عن زمان ... قافل علي قلبك البيبان
حبيت وفارقت كم مكان ...عايش جواك
احساسك كل يوم يقل ... وتخطي وخطوتك تذل
من كتر ما أحبطوك تمل ... فين تلقى دواك
بتودع حلم كل يوم ... تستفرد بيك الهموم
وكله كوم والغربة كوم ... والجرح كبير
مابتديش حاجة اهتمام ... أهلاً أهلاً ... سلام سلام
بقى طبعك قِلة الكلام ... ومافيش تفسير
داري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب ... وطنك والأهل والصحاب
كم واحد ودع وساب ... من غير أسباب
شايف في عينيك نظرة حنين ... بتحن لمين ولا مين
طول عمرها ماشية السنين ... والناس ركاب
مع دقة عقرب الساعات ... بتموت جوانا ذكريات
عشمنا قلوبنا باللي فات ... ونسينا نعيش
كان مكتوب نمشي الطريق ... و نفارق كل مدى شيء
اتسرق العمر بالبطيء ... ورسي على مافيش
وداري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف

الموضوع الأصلي : كلمات اغنيه Hamza Namira - Dari Ya Alby ,حمزة نمرة - داري يا قلبي // المصدر : منتديات همسات المطر //الكاتب: شرقية متمرده