 16.01.19 20:45 | الحب القـــــاتــل للكاتبه : مكسوره الخااااطر - ج3رقم المشاركة : ( 1 ) |
عضو vip
 إحصائيةالعضو | | عالمى الخاص |  | | العمر : 33 | | عدد المساهمات : 3444 | | نقاط : 110222 |
|
| موضوع: الحب القـــــاتــل للكاتبه : مكسوره الخااااطر - ج3 الحب القـــــاتــل للكاتبه : مكسوره الخااااطر - ج3
لبارت الثالث
يوسف داخل البيت كان لابس تيشيرت احمر فيه كتابات بالأبيض مع بنطلون جينز ازرق وماسك مفتاحه بإيده و يدندن:أنا تراني طيرك يلي يحبك موت و إن حب قلبي غيرك بدعي عليه يموت
عادل: شرف استاذ يوسف
يوسف :هاي جميعا
ام عادل :انت ما تعرف تسلم زين
يوسف : يمه عاد هذا سلام هالأيام
ام عادل : سلام هالايام ما نبغيه نبغى سلام الله
تنزل منارو تبوس راس امها : السلام عليكم
ام عادل :اسمع كيف الناس يسلمون
يوسف:المره الجايه بسلم كذا بروح انام حدي تعبان
عادل ما عجبته طريقه كلام يوسف مع امه:يوسف انت تكلم امك مو واحد من الربع
يوسف : سوري حقك علي ممكن اطلع و اروح انام
منار : يمه تسلم عليك انوار واجد واجد
ام عادل: يا بعد قلبي كيفها وكيف اخبارها
منار : الحمد لله يمه ع كل حال
عادل : يا حليلك يا انوار والله انك ما تستاهلين
ام عادل : شو تعمل بعد هذا نصيبها
مها : الله يصبرها على ما بلاها
عادل : كيف العلاج وشلون صحه مهند اللحين
منار : تقول ما في اي تحسن بصحته ومافي امل انه يمشي مره ثانيه
مها : الله يكون بعونها
الكل: اميييين
شاف ازهار بنص الدرج:خير في شي غلط
يوسف ياشر بإيده : كلك على بعضك غلط
ازهار: انت اخر واحد تحكي عن الصح و الغلط
يوسف يكفت ايديه على صدره : طيب علميني شو الصح و شو الغلط
ازهار طنشته و مشت لانها تخاف من نظراته
حست بإيد تدزها من ظهرها و طاحت من نص الدرج الى اسفله
ازهار:اه اه ....و بعدها فقدت الوعي
الكل قام من صرخه ازهار و شافو الدم ينزل من على راسها و رجلها ملتويه
ام عادل والدموع بعيونها : أزهار يمه شنو فيك
عادل راح و رفع راس ازهار على ركبته و ضربها على خدها :أزهار....أزهار
منار جابت ماي و عطته عادل و رش الماي على و جهها بس....... "لا رد"
عادل بخوف : الظاهر فاقده الوعي خليني اخذها ع المستشفى
مها نازله هي و عباتها :بسرعه انا رح اجي معاك
ام عادل: وانا بعد انتظرني اجيب عباتي
عادل : يمه لحقيني مع السايق ما في وقت
**********
هيثم : باي اشوفك بكره
ابراهيم : مشكور الطلعه واجد حلوه معاك
هيثم: و لو ما عملنا شي
ابراهيم: ثانكس بجد
نزل هيثم من السياره و سلم على ابراهيم و راح البيت
هيثم وهو داخل البيت شاف مرت ابوه سارا: هلا
سارا: اهلين فيك
هيثم:كل هذي الكشخه حق ابوي ابوي اليوم بينام عند امي لا تنتظريه
سارا : لما يجي و يشوفني بكشختي قاعده انتظره و لا رايحه انام زي امك اكييييييد بيغير رايه
هيثم: سمعيني زين حريم الدنيا كلها ما تسوى ظفر امي
سارا : هذا في نظرك انت بس في فرق كبير بيني و بينها
هيثم: لا تظنين ابوي ميت عليك ابوي يحب امي ام عياله مرته الاولى و ما الحب الا للحبيب الاولي
سارا:امك و لا شي قدام جمالي انا حلوه و كلي نعومه ودلع و رقه و امك و لا شي و لا ليش ابوك تزوجني الا لانه مل من امك و ما عاد لها مكان بقلبه
هيثم: انتي غبيه ضيعت شبابك عند واحد نفس ابوي رجال كبير متزوج وعايش حياته و تدخلين فجاه و تخربين عليه مع عياله
سارا : ابوك الي اعجب فيني حبيته و حبني و بعدين الحب لا يعرف صغير و لا كبير
هيثم :هاهاهاها تصدقين ضحكتيني و ما لي نفس اضحك
سارا بقهر: وليه كلامي يضحك
هيثم :هاهاها عيدي الي قلتيه بذمتك ابوي يحب هاهاها هههههههه انا اليوم بموت من الضحك
سارا طنشته و طلعت فوق بغرفتها
هيثم ينادي عليها بصوت عالي: لا تنتظري ابوي ونامي احسن لك
يدخل خالد البيت بكل هدوء: هاه اشوفك تضحك شو عندك اليوم
هيثم : هلا بالمحامي اقعد اقعد اسولف لك
خالد: على وين رايح مو تقول بتسولف لي
هيثم :ايه بس القعده بدون هديل ما تسوى شي
^^^^^^^^^^__----------------__________________^^^^^^^^^^^^^^^^^
فاطمه بملل: اوووف
ام سلطان :شو فيكي
فاطمه: راسي يالمني يمه
ام سلطان: يمه خفي على نفسك شوي يمكن من المذاكره
فاطمه تحط راسها بحضن امها: مادري يمه احس نفسي ما استوعب شي عند المذاكره
ام سلطان: يمه اجيب لك تاكلين شي من الصبح ما اكلتي
فاطمه: يمه ما ابي
سلطان يقلدها : يمه ما ابي ..فطوم كبرتي بس خلاص كافي دلع و الله دنيا مو مثلك
ام سلطان :خلها تدلع على راحتها و راحت امها تجيب لها شي تاكله
سمر نازله من فوق : السلام عليكم
الكل :وعليكم السلام
سمر : ما رح تجي هنادي لعندك
فاطمه : لا قالت اليوم ما تقدر بكره رح تجي
سلطان: و انت صحباتك ليه ما يجون البيت (يقصد دلال)
سمر: و ليه تبغيهم يجون
سلطان : علشان اتعرف عليهم
سمر طلع عيونها : نعم!!
سلطان : ايه يمكن ابغى اتزوج وحده منهم
فاطمه و سمر :شلوووووووون احلف احلف سلطان انك رح تتزوج
سلطان: بسم الله علي امزح وش فيكم
فاطمه: ايه والله سلطان انت كبرت ليش ما تتزوج و تجيب لنا بيبي
سلطان: ههه انا وين و الزواج وين
سمر : و انت شو ناقصك عشان تتزوج حلو وخفيف دم ود عايله و الف وحده تتمناك
فاطمه : لا مو الف وحده إلا مليوووون وحده
ام سلطان تقطع عليهم : وهي الصادقه يا وليدي متى تبغى تفرحني فيك و اشوف عيالك حوليك قبل لا اموت
الكل : بعد عمر طويل يمه
سلطان: يمه لا تقولين هذا الكلام مره ثانيه ترى ازعل عليك
ام سلطان : يا ولدي ما بقى من العمر كثر ما مضى
سلطان بإبتسامه جذابه: ان شاء الله قريب
فاطمه تبوس خد سلطان : صدق !!
سلطان : الي يشوفك يقول انتي بتتزوجين مو انا
فاطمه بزعل : يعني ما تبغيني افرح لك
سلطان يقرصها من خدها : فديت الزعلانين انا
ام سلطان : تبغيني اخطب لك و لا حاط عينك على وحده
سلطان :امممممم عروستي بختارها لوحدي
ام سلطان: من هي من باكر اروح اخطبها لك
سلطان : في الوقت المناسب رح اقولك
ام سلطان :ما رح اضغط عليك متى ما شفت الوقت مناسب تعال و قولي
سلطان : الله يخليك لنا يا الغاليه
ام سلطان: هههه الله يحفظك ان شاء الله و يفرحني فيك و يرزقك بنت الحلال الي تمناها
سلطان :اميييييين
فاطمه: وش بقيتي لنا
سمر : تبغينا نزوجك
فاطمه : ايه بس انت تزوجي بالاول
ام سلطان : الله يسعدكم كلكم فطوم يمه روحي المطبخ و اكلي شي
سمر : و انا ما صدقت تمدحين سلطان ترجعين حق فطوم
سلطان: وهذي فطوم ما مخليه احد يتدلع ماخذه كل الجو بالبيت
فاطمه: سلطون لا تقولي انك تغار
سلطان : شو سلطون بعد اصغر عيالك انا
فاطمه : ادلعك
تنزل دنيا معها عروستها فله: سلطان
سلطان: يا عيون سلطان
فاطمه: خل الغزل حق الزواج
سلطان: شو هذا الإستهبال العجيب إلي نازل عليك فجأه كذا كل هذا صداع من المذاكره
سمر: اشك انه بعد ايام رح تصير مجنونه
فاطمه : هو إذا فيه احد مجنون فهو إنتي
ام سلطان : خلاص يا يمه لا تتناقرون ما احب اشوفكم كذا
دنيا: سلطان وين بابا
سلطان : بابا مو هنا بغيتي شي
دنيا : ابغى اروح اشتري صديقات حق فله
سلطان : انا بوديك حبيبتي
دنيا: صدق!
سلطان:ايه حبيبتي و اللحين بعد
دنيا :ابي اقول لك شي
سلطان ينزل لمستواها: شو
دنيا باسته على خده: انا احبك
سلطان حب يقهر فاطمه شال دنيا و ناظر سمر : سمر قومي نروح نشتري العاب حق دنيا و نتعشى بمطعم
سمر بفرح : ان شاء الله
فاطمه: وانا رح اجي بعد
سلطان : لا احنا ما نبغيك روحي اكلي من الاكل الي سوته امك
فاطمه بزعل : ايه بس انا ابغى اطلع من البيت مليت من مقابله الكتب
سلطان حب يلعب باعصابها : قولي حق ابوي مو يحبك اكيد ما رح يرفض لك طلب
فاطمه و الدموع بدت تتجمع : استانسو وانبسطوا اصلا انا ما ابغي اجي و طلعت لغرفتها بسرعه و الدموع الي حابستها انزلت
سلطان : هههههه فطوم واي من صدق زعلتي
سمر : شنو فيها هذي
سلطان : اخذي دنيا و انتظريني بالسياره وعطاها مفتاح السياره
سمر :شنو لا تقول زعلت ترى اذا فطوم زعلانه ما في طلعه اكييييد
سلطان حس انه سمر تغار من فاطمه واجد : لا تحاتين انا بطلع اراضيها واذا ما رضت بنروح عنها
سمر بضيق:لالا عادي خذ راحتك و راضها احنا عادي ننتظر
سلطان حس بسمر : اغير ملابسي و اجي
سلطان : " معقوله سمر تغار من فاطمه لهذي الدرجه ما الومها مو فطوم ماخذه كل الجو حتى انا بديت اغار"
سلطان بتردد عند باب غرفه فاطمه سمع صوت البيانوا :ادق عليها و لا لاخليني اليوم اراضي سمر
راح غرفته عشان يغير ملابسه
******** |
| |  |
