المنتديات الادبية

**مدام نغم** · 16.01.19 20:36

الحب القاتل للكاتبه : مكسوره الخاطر - ج2

البارت الثاني....

هديل : منو حقه هذه صينيه الأكل
الخدامه: هذي هق ماما سارا فوق
هديل : و ليه ما تنزل بروحها ان شاء الله
ينزل ابو خالد و سارا ماسكته من ذراعه
سارا بدلع: والله عاد كيفي أنزل و لا ما انزل انت ما لك دخل
هديل : لالا بتنزلين و غصب عنك بتنزلين ولا كلي تبن بغرفتك
ابو خالد : عيب يا يبه هذي حسبه امك
هديل بإحتقار : تخسي والله وحده مثل هذي توصل مكان امي
ابو خالد بعصبيه: هديل انت لازم تحبينها لانها حامل
هديل بإستغراب :حامل
ناظرتها سارا بنظرة غرور
ابو خالد : ان شاء الله بتصير معك اخت مو انتي تتمني دايما تصير معك اخت
هديل تناظر الأرض : ........
ابو خالد: يلاه مع السلامه اشوفك المساء تامرين على شي
سارا بدلع : سلامتك حبيبي
سارا تقرب من هديل بغرور: شو ست هديل اكيد فرحتك ما توصف انها تصير معك اخت مو انت وحيده بين ثلاثه صبيان
هديل ما ردت عليها :.........
خالد نازل من فوق : سلام
سارا : و عليكم السلام
خالد يناضر ساعته : هدوله قايمه من الساعه سبع لا مستحييل
سارا بغرور : من فرحتها ما قدرت تنام بطلع الجناح احس نفسي تعبانه و تنادي الخدامه ميري جيبي الريوق ف الجناح لازم اكل عدل عشان البيبي وطلعت
خالد واقف بإستغراب و لا يدري بشي : هدول شو السالفه
هديل و الدموع بدت تنزل و بصوت متقطع :س سارا
خالد : اه منك و منها شو سوت بعد
هديل : سارا حامل
ام خالد سمعت كلام هديل و طاح الصحن الي ماسكته : شوووو سارا حامل
خالد و هديل انتبهوا :يممممممه!!
ام خالد: الله يهني ابو خالد فيه و يتربى بعزه
هديل باستغراب : الا الله لا يهنيه و لا يهنيها ان شاء الله ما يخرج لدنيا إلا ميت مالت عليها و على الي بطنها
خالد وده ينفجر ضحك من كلام هديل : و ليه تقولين كذا مو توك تصيحين
هديل : انا ما اصيح علشانها
ام خالد بتهديد : انا ما اسمح لك تتكلمين عن ابوك بهذي الطريقه
هديل بإستهبال : وييييه اللحين على بالي بتشكريني بتروحين جناحها تتهاوشين معها تدعين عليها تطيحين الي بطنها الي اخذت زوجك حبيبك منك
ام خالد: الي يسعد ابو خالد يسعدني يكفي اني اشوفه مبسوط ف حياته
هديل :يا يمه اللحين احنا ف زمن غير عن زمن اول احنا في زمن مثل ما تاخذ تعطي ما في اسمه تضحيه هذا زمن راح خلاص
ام خالد : انت شو هذا التفكير الي تفكرين فيه ما تسوين شي لوجه الله ابوك رباك على كذا
هديل : يمه لا تصيرين واجد طيبه و تدافعين عنه و عنها هذا ابوي الثعبان و ساروه الحيا هالسوسه هذي ....و راحت تركض غرفتها
ام خالد : الله يهديك يا بنيتي بس
خالد: يمه هذي هدول و هذي سوالفها كل يوم تقول شي اصلا هي ما عندها سالفه و لا تاخذين بخاطرك عليها
ام خالد: افا يا ولدي تعلمني ف هديل هذي بنتي و اعرفها زين يالله توكل لا تتاخر على دوامك
خالد:"الله يا يمه نادر تلقى مره زيك في هذا الوقت انا بحسد نفسي على هذي الأم"
*******

في قصر ابو سلطان
ينزل ابراهيم من الدرج و يدندن عسى ما يوحشك غالي ..تطمن.. ياهوى بالي
انا في غربتي صابر مخلي بالي من حالي
سلطان :يالله بصباح خير
سمر: نازل يغني والناس تقول اصبحنا واصبح الملك لله
ابراهيم : صباح الوورد
ام سلطان : صباح النور اقعد يمه تريق
ابراهيم قعد :لا كذا انا بتأخر بس ما أقدر اقاوم هالريوق
ام سلطان : عليك بالعافيه
سلطان : و ليه ما تقوم من الصبح عشان تلحق ع الجامعه
ابراهيم : كيفي انا كذا انت ما لك شغل
سمر: السايق برى ينتضرني أنا طالعه تبوس راس امها مع السلامه يمه
ام سلطان : في حفظ الكريم حبيبتي ركزي عدل في حل الإمتحان
ابراهيم : اوووه عطينا شوي من الإهتمام الزايد مو كله حق بناتك
ام سلطان : عن العياره عاد إكل و انت ساكت
ابراهيم : وين فطوم ؟؟
أم سلطان : فاطمه فوق نايمه
ابراهيم بعصبيه : بس اللحين إلي انا اعرفه فتره إمتحانات ليش نايمه
أم سلطان : اهدا انت و هدي اعصابك اللحين بقعدها
سلطان طالع وماسك شنطة الاب توب : يلاه يمه أنا رايح الشركه تامرين على شي
ام سلطان : سلامتك
ابراهيم : و أنا بعد طالع لا تحسبون حسابي حق الغدا
السايق : فتح الباب حق ابراهيم
ابراهيم بغرور وكبرياء: بروح بسيارتي و بسوق بروحي ما ابي احد يلحقني
السايق : ان شاء الله تامرني على شي
ابراهيم ركب سيارته و لا رد عليه
سلطان بإبتسامه جذابه : السلام عليكم كيفك اليوم
السايق : عليكم السلام الحمدلله تمام تامرني ع شي
سلطان : أبغيك توصلني ع الشركه
السايق : حاضر ما طلبت شي

الحب القاتل للكاتبه : مكسوره الخاطر - ج2 921135975