 16.02.20 16:42 | گلي شلونه غيري وياك ونسلك ورد خـــــــدك رقم المشاركة : ( 1 ) |
عضو vip
 إحصائيةالعضو |  | | عدد المساهمات : 4401 | | نقاط : 109663 |  |
|
| موضوع: گلي شلونه غيري وياك ونسلك ورد خـــــــدك گلي شلونه غيري وياك ونسلك ورد خـــــــدك
اطلابه الماتفض يافشله الديوان
من تسمع گصيبه هــــــور
تمنيتك تجيني عيون وبچيلك دمع ناعــــــور
چم مره انذبح بالطيف
وتلطخ حلم ماشـــــين
طريچ الودع الجناز
مايترك اثر للـــعين
أترچه أعله حيل أصباي
وأعثر ونظر رأيـــح
وأتنطر ضعونك طيف
بلكي ألله وحلم طــــايح
وعرگ مستحه وخجلان
وشبگ ريت ألــــبردي
ألبروحه أسوألف ألناي
هوه أليفهم شـــعندي
أليعثر بالنفس مرأت
فاگد للعشگ ملـــــگه
ولو جيتك بعيده أهوأي
أرسم للحضن شــــبگه
سولفلي على وجهه ألعيد
يتمني بزغر فــــكدگ
گلي شلونه غيري وياك
ونسلك ورد خـــــــدگ
أشد صبري بصور مكفاك
من أذگرك وأنـــحل
زأرعلك حضن مشتاگ
لاتكفر تذب منــــجل
مانايم وحگ فركاگ صاير گاع
برأسي ألسابعه ويبچون
ودموع ألطـــــريچ ودأع
كل صفنه أنكتل مهظوم
من أسمع حينينك طـــاش
ورده ألماتفتح شوك
مطعونه بجنح فـــــرأش
ألموخيال لايركبهه خاف يطيح
فشله أجدأمه خل تـــمشي
انه امشي ملك واثق خطوتي وياك
بس انته العكس تــمشي
ألوأدم تحچي ع فرأش وتذم ألورد وشوگ
وأنه ودمعتي نــتاني
كلهه تريد مني وصارلي سنين
أنطي ومحد أنــــــطاني
تره العاشگ صدگ مخنوگ
بيبان الخلگ ضـــــده
الماضاگ الهجر مايستلذ بشوگ
حروره ملگه ماعــــده
ألعاشگ لوصفن بالصفنه تالگه عيـــــون
لاترسم فجر يم ناس بيهه غروب يختگـون
من أشتاگ وين ألكاگ
دورلي مكان وياك
علگني گلايد عــــــيد
ألماضاگ السهر وألليل
مايفهم حچي جـــــويريد
دورلي أعله عرفك زين چف دفـــــــان
كلش مختنگ وأناس مابيهم ترأفه أنســان
دورت ألشمس بالليل
وأنه أدري أليحب مــــذموم
تره أليضحك فجر شفتين
بچف مغرت عمر مـــلچوم
أنه متانيك نجمه ألليل
لورديت جيب أصـــــــباي
عاشگ بس زلف طاريك
وأنه أدري ألزلوف أهــــــوأي
عباس كاظم
|
| |  |
