المنتديات الادبية

**سام الشوق** · 01.03.20 8:44

غير عن طعم البنات
غير عن ذيك الزهور ، اللي بربيع الذكريات
غير عن ذاك الزمان، اللي سرق عمري وفات .
إنتي يوم إني عرفتك
من رشَفتك ..
ذقت أنا شهد العسل ، معناه / وصفه وش يكون ؟!
غبت في نشوة مواويل وجنون ..
وقمت أطوف بلجّة أمواج الوصوف
أبَاوْصِفِكْ.. بس ما وَصفتك ؟! .
إنتي يوم إني عرفتك ..
كنت مثل إللي صحَى بعد السبات
وشفتك أجمل حلم يمشي فوق وجه الأرض
يسقيها أناشيد وحياة
وشفتك الشمس الضحوك، إللي سناها المغفرة
والثوب الأبيض في الصلاة .
إنتي يوم إني عرفتك ..
ما بقى لي أمنيات
يا بنيّه
والله إنك غير
غير عن كل البنات

الموضوع الأصلي : غير عن كل البنات // المصدر : منتديات همسات المطر //الكاتب: سام الشوق