 19.04.20 23:59 | قصيدة | تبدي المسيرة | ملا باسم الكربلائي رقم المشاركة : ( 1 ) |
عضو vip
 إحصائيةالعضو |  | | العمر : 29 | | عدد المساهمات : 6322 | | نقاط : 110632 |
|
| موضوع: قصيدة | تبدي المسيرة | ملا باسم الكربلائي قصيدة | تبدي المسيرة | ملا باسم الكربلائي قصيدة: تبدي المسيرة
للشاعر: زين العابدين المريّاني
المناسبة: ليلة 28 محرم 1441 هـ
المكان: العزاء المركزي للشيعة التركمان/كركوك
طور : طفلة وعليلة صاح الحسن جنازة غريبة
تبدي المَسيره او كربله النيّه
موعِدنه صار اِلأربعينيّه
رَفْرَفْ حبيب اِبچفّه أعظَم رايه
اللهُ أكبر قـامـت اِلمـشّايه
ثورة مشي اوللطّفْ مسيره اوغايه
حيَّ الله زِلْم الموزمه الوفّايه
يا فزعة اِلخِدمه الحُسينيّه
موعِدنه صار اِلأربعينيّه
هذا العِراق اوبالكرَم ما ينحَد
وايقدّم الما ينْحَصَه اوما ينعَد
كل عام مشّايه اومواكب أزْيَد
نهْر اِلذّهَب وابهالدرُب نِتوحَّد
يحْسين اِجينالك فرِد جيّه
موعِدنه صار اِلأربعينيّه
كربله كلنه اعله الوعَد تِلگانه
هذا النّشيد اِنردّده ابْمَسرانه
(ما نستراح اِونِسرع ابْممشانه
خَوْله اورقيّه اوفاطِمه ويّانه)
اوزينب عَزيزه اوماهي مسبيّه
موعِدنه صار اِلأربعينيّه
ما دام للمشّايه يحْضَر حيدَر
ماي اِلسّبيل ايْصير ماي الكوثَر
بيْديك مِلْح الزّاد يابو الأكبَر
والهذا زادَك باليحبّك غَزَّر
حتّه التخدمك بيها حِنِّيّه
موعِدنه صار اِلأربعينيّه
رَحّبو بِينه اسْبعطَعش خَيّاله
اوعامِر مُضيف الحَسَن سَمْره اِدلاله
والكرم بسّ اِلهاشِم اولرْجاله
اونار المواكب مِن بعد تِتْلاله
أهل الكرَم ما عدهُم اِشويّه
موعِدنه صار اِلأربعينيّه
شِفنه اليزورك والشّجاعه ابلَونه
أهْل اِلأرض واهْل اِلسّمه ايْحبّونه
عبّاس شال اِلسّهَم مِنّ اعيونه
بِعْيونه خَلّه الگصدو ايْزورونه
دَرْب اِلمشي اتحَيِّر معانيّه
موعِدنه صار اِلأربعينيّه
|
| |  |
