 24.09.22 23:07 | روائع الشعر العراقي/كاظم اسماعيل كاطع/الدنيا ما دام انتهترقم المشاركة : ( 1 ) |
عضو vip
 إحصائيةالعضو |  | | عدد المساهمات : 1325 | | نقاط : 32159 |  |
|
| موضوع: روائع الشعر العراقي/كاظم اسماعيل كاطع/الدنيا ما دام انتهت روائع الشعر العراقي/كاظم اسماعيل كاطع/الدنيا ما دام انتهت
لعمر كاضي
الدنيا ما دام انتهت..
والعمر كاضي
منهو بينه بلا خطيئة
خَلْ يكوم اعلّه الملف
يكشف الماضي
خل يجي يسويله مره..
ايشوف بيتي إشراح وشظل
من غراضي
ناس صعدت ناس بعدت
وأنا بخيمتي وسوقي وعكاظي
وجان بامكاني أصير
لكن هموم العشيرة…
لا أنا راضي على شيخي
ولا عليَّه شيخي راضي
جان بإمكاني أصير
أملاك وقصور وأراضي
لكن أعرف هاي كلها
ماتساوي فركة إيد..
وراس محني ابّاب قاضي
لكن اعرف هاي كلها ماتساوي
نوم ليلة اعله المخده
بليَّه خوف وبال فاضي
هِيَّ مو بالسرعة تلَّم
ولو على السرعة يصير
أغنى شخص عدنه الرياضي
خلصت عمري بدولتي
لا أنا راضي اعله وضعي..
ولا عليَّه الوضع راضي |
| |  |
